~✿ 葵涌廣場掃街記(一)✿~

專屬我的.... 於 19/09/2016 發表 收藏文章
葵涌廣場一向都有好多平民小食,海膽三文魚手卷及夾餅都是名物,行行下街所費無幾又可以醫下肚再血拚又幾爽。最近開左另外一邊的舖位,把小食的店子集中在一起,掃街更方便,這個下午因為在附近上完咖啡班,就來行一行吧~
星期六人山人海所以食了兩款就走了~希望好快約齊腳有Part 2 的出現吧!

1830s MACARON
其實我地係為左呢個馬卡龍夾雪糕而深入虎穴,朋友想要比卡超圖案,我就想要老少女戰士,誰知款式是每日不同的,而當日我是沒有我想要的,變不到身,哭崩!
價錢:$38 任揀卡通馬卡龍,一款雪糕口味 及兩款配料(Toppings)。

每一日嘅款式都不同,會放在大玻璃箱入面,而且是賣完即止。
當日有 比卡超,哈哈笑,鬆弛熊呀等等的選擇~
揀好卡通馬卡龍後,就可以揀夾中間的雪糕,味道都是大路的,士多啤梨,益力多,芒果,曲奇,荔枝,雲呢拿等等。

落單後等大概五至十分鐘就送到,我最後揀咗衰樣的鬆弛熊公仔馬卡龍,貪佢比較少見,中間揀咗曲奇雪糕,配料揀咗彩針及彩色圈圈脆脆。
成品都幾大個,大概是女生手心的大小,馬卡龍味道不算太甜,質感有點似曲奇少少脆身,中間的嘅雪糕不算太易溶,質感有少少似gelato,只是朱古力味道就不算太突出,其實我都係為影相,好食就係bonus啦,哈哈!

朋友揀的嬲嬲版比卡超,都係好可愛,雪糕揀左益力多味,配料粟米片及棉花糖,益力多味幾討好,酸酸甜甜又唔太易溶,不過影相都要快,始終是雪糕嘛!咁就無左70幾蚊,哈哈!

之後仲去咗試試另一間手卷店 大滿足
旁邊有少量桌椅可以坐低食,不過一個手卷邊行邊食都可以的,洗版的是海膽手卷,20蚊半版海膽,所以人潮都幾多,員工快手快腳,基本上十分鐘內都有得食。
至於海膽是選用韓國海膽,流量大所以應該新鮮,只是味道不會太鮮味,過過口癮ok。

我叫咗牡丹蝦海膽拼黑松露手卷,咁多樣野加埋都係三十蚊,好抵食,只是牡丹蝦個殼裝飾味很濃,影相是靚的,但邊行邊食仲要處理就有點多餘,海膽新鮮無腥味,只是沒有入口即溶的感覺, 其他的配套例好紫菜夠脆飯是冷的,整體來說我覺得都ok的,但不需要專程來試了。
我是8月尾去的,隔離仲有幾間未Ready 的,希望組隊再去行一轉~下回再報告食左D咩啦~

葵涌廣場
葵芳葵富路7號葵涌廣場2樓潮流廊2009號舖
葵芳葵富路7號葵涌廣場2樓潮流廊2006號舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→