✿~ 日本過江龍 ♥日本京都第一西京燒 ♥ 京都一の傳~✿

日賣近3萬片西京燒的京都百年老店，被譽為「日本京都第一西京燒」的京都一の傳 星期三喺香港開設海外第一間分店。總廚佐藤暢郎特別為香港人定制輕懷石料理午餐，價錢比日本仲要平！西京燒有幾出名？出名到日本官方將3月9日定為「西京漬節」。點解係3月9日？日文中“魚“的發音：“サ（3）カナ（7）”，即係3月7日﹐由於每條魚必須醃制兩日﹐所以加多兩日﹐變成3月9日！

餐廳提供兩款午市現代版輕懷石料理套餐：清水Kiyomitu $158 / 祇園Gion $288
比較貴的祇園Gion 套餐會多兩款主食: 旬野菜椀 及 蟹肉羹鰻出汁蛋卷
8款前菜盛合 （前菜隨季節變化）
前菜用京都一の傳的一字形長盤奉上，以濃淡度由左至右一字排列，最左邊的茶碗蒸是最淡味的，之後是胡麻豆腐，廚師用芝麻打成醬再定形成豆腐狀，入口即化帶點QQ口感的，滿口濃芝麻香。接著是蜜煮楊梅，京風茄子天婦羅，脆漿加了少量米通，比一般的天婦羅再脆D。

果醬魷魚，上面的果醬酸酸甜甜好好食，胡椒醋雞肉有點似中式的炸雞加薑蔥的感覺，
最後是金槍魚壽司，由於已經漬了，不用額外加調味，由於係關西口味，整體比較清淡的。
祇園Gion套餐多兩款主食: 蟹肉羹鰻出汁蛋卷
鰻魚無骨口感滑溜，蟹肉羹鮮甜蟹肉夠多，蛋卷加了出汁（日式高湯）清甜，呢個好食！
旬野菜椀：日本的「旬」理念，意指根據人們最佳膳食結構、食材食用黃金時間而搭配的健康時令蔬餚，茄子同豆都好新鮮，用高湯煮一煮味道出晒黎。

主食可選以下其中一款：
蔵味噌漬西京燒套餐　（銀鰤鯧西京燒 ／銀鮭魚西京燒 ／銀鱈魚西京燒 ／豚肉西京燒）
另附有日本產越光米﹑味增湯及漬物 或
茶漬飯配鰻魚﹑烤鷄或銀鰤鯧 蔵味噌漬三選二 或 鐵板日本產和牛。

我揀左 茶漬飯配銀鰤鯧，店員送上芝麻的碗及茶。

銀鰤鯧西京燒經過兩日醃制﹐口感嫩滑，不會太濃味，
加埋茶漬飯同白芝麻碎更加香口，呢餐份量剛剛好！

京都一の傳
尖沙咀廣東道3-27號海港城海洋中心4樓402號舖
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare