~✿ 唔係獨沽一味的日式鐵板漢堡店 ♥ Meat King ✿~

幾次經過銅鑼灣都見到呢間日本過江龍 Meat King，顧名思義地係估計到這裡是肉食者天堂，但Kawai 近年轉多食菜，好明顯是唔o岩食，所以一直都沒有去試。上星期朋友試完，話餐廳入面設有Salar Bar，有好多有機菜食，質素唔差，所以，我都同左一班肉食獸朋友去試試！

只需額外加HK$58一個人，就可以食埋Open Area 的Semi-buffet，有沙律菜，甜品及飲品雪糕等任飲任食，唯一條件是全桌客人都必須一同UpGrade Semi Buffet。沙律款式都幾多，連撈沙律既醬汁都有好多款揀，讓你隨意調配個人口味。雪糕，飲品都有大概十款選擇。

至於粟米湯較為稀身，但味道又不至於好淡。

叫主菜會送飯或麵包，個人覺得呢個自家製的都包非常值得試，牛油味香濃又夠鬆軟，而且暖笠笠，不得了！我追加了三次呢（+$18 unlimited refill）

沙律菜好新鮮，每樣要少少都已經一大碟！不太喜歡食肉的朋友都可以食到飽飽呢！

呢度所有扒類主食都以鐵板上松露忌廉雜菌漢堡$158
我地叫的係最細的180g size，大小如女生拳頭吧！因為漢堡扒都算厚身，份量絕對唔算少。松露醬汁係另上的，當醬汁淋上鐵板時，沙沙聲，立即聞到陣陣松露的香味！醬汁Creamy加在嫩滑的漢堡扒上，非常吸引！

另外仲叫左一個菠蘿漢堡扒，醬汁方面有四款選擇, 包括牛扒醬油、多蜜醬、柚子醬同埋照燒汁。我地揀左柚子醬，漢堡扒同上面的分別不大，只嫌醬汁調味有點過咸。不過有清甜多汁的菠蘿伴著吃，都算okok啦！
最後仲有甜品同水果呀！估唔到D 蛋糕做得唔錯！最好食係香蕉蛋糕～

估不到店名叫Meat King，但竟然唔食肉的朋友，都可以好多選擇！
加上餐廳坐得舒服，價錢算是相宜，雖然得90分鐘用餐時間，但都好值得一試呢～


Meat King
銅鑼灣伊榮街1號1樓

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare