~✿ 名廚廚房 ♥ 慢食Express Lunch ♥ Jamie’s Italian✿~

名廚Jamie Oliver 除了定期的煮食節目外，在香港還開設了餐廳 Jamie’s Italian，主打拿手意大利菜式如沙律、意大利麵等意大利菜。這天放假同兩位朋友來嘆Lunch！佢地推出左全新的Express Lunch，供應時間係平日的12-6點。換句話說，Lunch可以慢食到六點呢！

全店用木系裝修，有型格，坐位亦夠闊落，日間有陽光感覺更開揚，係正的！
Express Lunch 的餐牌每隔一段時間就會轉，Keep住新鮮感呢！價錢由$98至128不等。
先送上前菜，可以在餐湯及沙律中二揀一，因為我地點了沙律，所以前菜都揀了餐湯～
西蘭花餐湯，質感稠身，入面仲有西蘭花蓉，味道如顏色般，好Green好清新。
Super Salad $128 入面有好多款不同的 Superfood，如補血的紅菜頭，藜麥，抗氧化度高的石榴籽，牛油果咁。整體份量都算大，而沙律醬汁份量不如外間的重手，感覺輕盈，但都足夠伴著食用，我自己就幾喜歡，如果食材味道好，醬汁只係extra調味啦！

意式漢堡
大大個漢堡感覺好飽，麵包烘至暖身質感好鬆軟，中間塊漢堡扒係經過炭燒，咬落食到輕微的炭香味，而扒身肉汁依然豐富唔會乾爭爭，加埋醬汁同蔬菜，脆身的煙肉，食完飽飽豬。

要說最特別同必試的就係手造意粉，入門口的左手邊可以見到工作人員不停手做意粉！黑松露意粉 白汁比較薄身的，夏天食感覺無咁膩口，多了兩份清爽感，麵條質感柔軟結實不易斷，輕輕把白汁鎖著，松露味係天然淡淡的，不過我相信真松露味道不會太誇張，淡淡的叫人吃得舒服，不錯的啦～

上甜品前，侍應拎左幾個罐頭嚟，原來係要嚟托高放甜品嘅長木架，因為食到大半，枱面都係預計中混亂，把甜品放高，枱面多左空位係細心，果然係細節都注意到。
Express Lunch 加多少少錢就可以食埋甜品，當日的甜品是Brownies同埋蛋白脆餅，自己幾喜歡Brownies，朱古力味夠濃郁，加埋絕配的雪糕是最簡單又不會出錯的句號。

工作人員密密手做意粉呢！

Jamie’s Italian
銅鑼灣登龍街1-29號金朝陽中心2期Midtown 2樓
尖沙咀廣東道17號海港城海洋中心4層412號舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare