✲ﾟ*:₀｡香港大學站 ✲文青咖啡店 ✲ Dreamer Cafe ₀ :*ﾟ✲ﾟ

一個人有幾耐沒講夢想，正代表離開年青愈遠～
這個六月所有在香港生活的都覺得好苦很疲勞，不過路愈難行愈需要勇氣，
這天要到港大開早會，完成後決定在附近食個好午餐，為自己打打氣～

多得媒體報導，決定棄頹CAN去附近找吃，的確是被門口的水泥牆的Quote吸引而選擇這間，霓虹燈寫的是 “Every great dream begins with a Dreamer”，說的正是勇氣～

呢度樓底闊落裝修簡約，仲有大大透光的玻璃門，堂食位唔算太多，寧靜空間感取勝～
餐廳水泥牆前面一張大枱配高櫈，可以望到街景幾舒服。店員見我行到身水身汗，立即斟水比我，nice到不得了。
因為新張不久，Menu 暫時只有8-9款食物選擇，除了ADB咖啡必備食物外，每日會有兩款精選的意粉可供選擇～

呢日早會實在太早，我連早餐也未食，所以揀了All day breakfast 同埋Earl Grey Choco
Earl grey choco 的拉花係一朵超立體的玫瑰，線條分明拉得好靚，我用左好多時間去欣賞。味道方面都幾有層次唔係一味得個甜字，淡淡伯爵茶味夾著濃厚的朱古力，入口順滑，夏天飲都唔會覺得好膩。
當我以為All Day Breakfast 都係大路野的時候，原來怪錯左佢，佢地個多士烘到脆卜卜，最特別係自家製蘋果伯爵茶果醬，清新得黎帶茶香不死甜（食到係蜜糖香同埋粒粒果肉），而意大利腸揀有芝士餡的，牛油果生熟油潤感剛好，食完好滿足～～

呢度的咖啡師都有多年沖咖啡經驗，仲好好請左我試飲佢地的Houseblend，
係比較酸的口味，雖然我飲唔慣但入口都幾順滑，如果喜歡精品咖啡不妨去試試呢～

前文提及我行到身水身汗，呢度冷氣好足，坐左一陣已經涼浸浸舒服返晒，正呀～
臨走時仲發現隔離係茶居，不過佢就快休息就算，感覺都幾舒服寧靜，下次要去飲茶！

Dreamer Cafe
西環保德街6-20號保基大廈地下5號舖
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare