✲ﾟ*:₀｡滋補養顏打邊爐 。火鍋頭 ｡₀:*ﾟ✲

氣候急速變化，再次體會單位數温度，再次想起小時候不想起身上學的日子，
就算著了雪褸依然凍到入心入肺，凍柑無限供應的低温狀態！
往年朋友團年多數都選中菜，今年本來都是，但真係凍到癲，所以最後改了打邊爐吧！
至少食物不會一放下就凍了，對不！？

今次來到朋友家附近的火鍋頭，
先來的是小食－墨魚油炸鬼，
釀左墨魚膠的油炸鬼彈牙而不油膩，上枱仲係少少微暖，口感幾盞鬼的！
湯底揀左招牌蟲草花花膠冬瓜濃雞湯，
上枱真係有半隻完整的雞，仲有大大個冬瓜圈，娃娃菜，蟲草花，
當然花膠都不少，勁足料又滋生養顏的湯底！店員幫我地每人分一碗湯底，之後就把湯料用剪刀剪碎，方便我們進食！湯底充滿雞的清甜感，黃色的雞湯油唔多，飲落肚立即感到暖呼呼的，正！

食物一路上枱，我地就爭取時間整打邊邊的混醬。

朋友一早預留左加拿大象拔蚌刺身，刺身切得夠薄身，冰鎮下入口爽脆又鮮甜。

另外叫左好多火鍋配料，見到煎午餐肉好似幾過癮，所以叫嚟試下，
午餐肉厚切煎到外面脆卜卜，淥一下就可以食啦，同響鈴有異曲同工之妙！每日手打墨丸彈牙，味道唔算太濃，粉唔重都幾值得介紹！
新鮮人手包的水餃大大粒，都是店家介紹比較特別的配料！
太夜無晒蝦，店長將兩款不同的蝦放在一碟，啲蝦仔好生猛，啲手仔不停郁，
當然落水嗰吓彈跳力堅令我地尖叫，咁新鮮的蝦，肉質自然不會差吧！
打邊爐少不了牛肉，朋友揀左頂級本地手切牛肉，
牛味香濃，雪花分佈平均，入口不會過韌，
不過我覺得略為厚左少少，可能骨子裏我是喜歡食薄身肥牛吧！

海鮮缸養了不同的海鮮，如果有心水海鮮，建議大家可先預訂，
那晚我們就是沒預訂，所以沒有貴花蚌了。

總括而言，極喜歡這個湯底，足料又滋補，食到最尾冬瓜吸收晒配料的精華，超甜美！
另外海鮮超生猛又環境唔太迫，姐姐都好好笑容，應該會再黎！
火鍋頭
九龍城南角道12-14號地舖 2382-3767

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare