✲゚*:₀。屯門抵食中菜 ✲ 泰山集團中菜廳 ₀ :*゚✲゚

專屬我的.... 於 09/05/2019 發表 收藏文章
平時約朋友食飯都好少揀中菜,見朋友話新開價錢都幾抵食就試下。
呢圍足夠12人食的份量,只係$1488免茶免芥無加一,
除返開即係百幾蚊一個人,部長話母親節正日都唔加價!

第一道菜係高湯焗蝦球伊麵,個碟大到我會用盤黎形容,蝦球放到滿滿的,麵多到唔見底。
蝦球大大隻口感彈牙,伊麵索到湯汁的味道,個人覺得略為濕左少少。
仲有好多翠玉瓜,一人食一碗後都仲剩好多~~~

XO醬彩鳳花姿
第二道都是用同一個盤上菜,西芹、魷魚、肉片都大大件,用XO醬快炒過夠晒惹味。
秘製黑蒜骨
整晚最喜歡呢道菜,一整條一字骨夠晒份量,炸得香口而不會太油膩!
上面的黑蒜醬汁甜甜地,估唔到幾夾的。

同汽水比一比,真係碟碟都好大盤!另一方面我已經有少少飽!

原隻鮑魚白玉盞
原隻鮑魚放在節瓜上,鮑魚大概BB拳頭仔咁大,口感十足,一人一隻一定夠分。
節瓜蒸到軟軟但不失水份,平時最怕好咸的獻汁,呢個OK唔會好咸。

無味精燉湯
材料是普通家常用到的湯料,如瘦肉、南北杏、粟米、紅蘿蔔等,
只要有在家煲過湯都知道這食材,不用什麼花巧調味下,都可以煲出清甜滋潤的靚湯。
如果不是吃得太飽,一定會多飲兩碗!

清蒸雙花躉魚蒸得剛好,魚肉滑溜,簡單用豉油清蒸已好好食!

蟲草花杞子浸菜苗
用上湯浸菜及菇菌類,味道清清淡淡,恰如其分。
由於整晚都沒有太多菜,自然好受歡迎!因為份量都多,所以我有打包呢個返屋企!

農家雞
雞先炸了表皮,再淋返醬汁,外皮保持到脆身而雞肉軟滑,
不過附送的醬料有點咸,個人建議不沾醬料的話可以食到雞的原味。

欖菜肉碎炒飯
飯炒得夠乾身且粒粒分明,唔會油笠笠,火喉剛好!

整晚唯一失色應該是甜品紅豆沙,
不算甜但煮得好稀身,紅豆份量也不多,缺乏了沙沙的口感。

泰山集團中菜廳
屯門井財街15號金銘大廈1樓A號舖

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→