*:₀｡ 做得夠精 ❤ 鱈卵屋｡₀:*ﾟ

大大粒晶瑩剔透的三文魚子同埋粉紅色的明太子，係咪好吸引呢？
對於我呢個澱粉質女孩來說係非常吸引，所以有大半碗係我食嘅！

今日同朋友嚟到以明太子為主菜嘅鱈卵屋開飯，明太子其實就係鱈魚的魚子了！

呢度大部份的菜式，都會包含明太子呢個原素，
睇餐牌的時候，已經俾呢個叫鱈卵碗的東西吸引住了！
叫左個三文魚拼三文魚子的口味！呢個飯至少有三個品嘗的方法！

第一個就係直接食用，第二個就係將配料全部拌勻，最後就係加入木魚湯變成茶漬飯！配料有黑白芝麻，葱，紫菜絲，紫蘇葉等！
將d飯拌勻左之後，已經非常好食，所以都無再加湯整茶漬飯了，
朋友見我食得咁開心，俾左大半碗我食，哈哈！我傻到同日籍的店長用廣東話講好食，
店長喺香港應該都生活左唔短時間，佢竟然聽得明，仲用廣東話講多謝！

除左鱈卵碗外，其他的食物加入左明太子的原素，
效果都唔錯，亦無話好腥難以入口的問題！牛油果吞拿魚刺身辣味沙律
把切丁的吞拿魚及牛油果以明太子醬拌勻，味道帶點微辣，
明太子的咸鮮令沙律味道再升上更高的層次。

鬆軟明太子蛋卷以無數薄薄的蛋包著大量明太子，蛋卷外觀紋路清晰，入口蛋捲嫩滑富蛋汁，
且滲出獨有魚卵的咸香，簡單完美的配搭！

蛋卷外觀紋路清晰，不乾身，入口富蛋汁。


明太子豆腐煎餅以豆腐及椰菜作為煎餅，有淡淡的豆香，因為加左明太子調製的沙律醬，
味道不會過分清淡，帶點咸鮮的，豆腐的嫩滑口感令人一試難忘。

豆腐嫩滑富豆香，加埋明太子沙律醬，味道更多層次，有感食完皮膚都會靚啲！
最後仲叫左個炸豆乳明太子餅外表炸得金黄香脆，咬開見到內層米白色的豆乳餅質感水漾，且散發淡淡豆香。

炸得質感不乾身，豆乳餅的水份保留得非常好，而明太子也沒有太乾的問題，
味道上兩者也搭配！

呢間鱈卵屋除左提供餐點外，仲有好多明太子的食物售賣，
如火鍋湯底，小食，辣醬等，日本人果然要做就要做到最精。喜歡明太子的朋友，不妨試試！

鱈卵屋
銅鑼灣軒尼詩道499號永光商業大廈14樓 2250-7117

For Collaboration and Invitation,
Please send to : littlecatt@gmail.com
FB Page: Kawai / Small Talk Corner Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare