~ஐ 驚喜的手造意粉 ♥ PAPIஐ~

專屬我的.... 於 15/06/2018 發表 收藏文章
心血來潮想食手造意大利粉,上網Search 一下,找到名店坊Fashion Walk的意式餐廳「PAPI」,呢間店原本在圓方商場和灣仔都有分店,口碑唔錯,所以決定一試。新店佔地兩層,大部分的位置都有落地玻璃窗,門外仲有半開放茶座,整體個感覺都幾正!如果天氣好,我都會選擇坐出面。

除了半戶外區,意大利菜好適合一大班朋友分享,所以餐廳都有不少大餐桌,一班朋友仔食飯聚餐都好適合。
簡單看過餐牌後,侍應隨即為我送上一碟薄脆,面頭灑滿了羅勒醬和橄欖油,卜卜脆,有如食薯片的感覺,羅勒氣味香口得黎又唔會好咸死死,比起餐包呢個係幾特別o既welcome dish。

扒原隻魷魚配蒜片辣椒橄欖油 ($118)
侍應推介這個Tapas,平時吃意式餐廳的出品都是薄片魷魚,今次來的竟然是原隻魷魚,最驚喜的是入口魷魚依然彈牙而不會很韌,鮮味保持得很好!醬汁有點點微辣,夾雜蒜片一起享用,更顯魷魚的鮮味,份量不多,叫多兩款就可以同朋友一齊分享。

香辣蕃茄醬手造粗麵配脆蒜片
手造意粉是廚房每日新鮮製造,略粗身的麵條質感彈牙有咬口。加上開胃帶點辛辣的茄醬及蒜片令到味道更豐富,小小的碟其實都挺飽肚的。
Kawai 幾喜歡呢間自成一角的餐廳,亦因為它不是在名店坊食肆街那邊,所以人流比較少。而事實,佢地o既食物質素都唔錯,環境都舒服,仲有意式傳統的兔仔肉意粉供應(我唔敢食兔兔)。下次要約多d朋友一齊黎試多兩款先!

PAPI
銅鑼灣加寧街8號Fashion Walk地下

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→