~ஐ 綠野悠然。食生排毒之旅程。食生初體驗 (一) ஐ~

世界這麼大，生存也不只靠食物，意志訓練都是很重要！四年前 Kawai 在台灣認識到斷食，身體快速改善，不過斷食只是一個速成法。接著下來就是從斷食中的啟發成長，要學習如何吃才是精明，是我現在要學的的！

今次好開心，可以同20位同學一齊參與 綠野林 GreenWoods 主辦的 綠野悠然。食生排毒之旅程，由周兆祥博士親自指導食生排毒的秘訣，而未來這三個月會有專人的支援，以自然療法的初心者來說，上堂可能悶但資訊性的野不可不聽！

課程包括了六天o既基本課堂 （全日）而第一天就係記錄下身體的狀況（作對比），同埋聽下有關食生的概念。
成日流流長，仲會定時有餐點供應，除左要早起同埋見陌生人之外，整日我都安好的啦！
（我在驗身體的酸鹼度，身體的鹼度愈高，身體愈好，當然我唔係，因為我有食肉。。。）

其中有一Part 是打綠果菜露
果菜露是食生者的必需品，一杯有齊大量的營養，做法簡單，家中只需有一台攪拌機就可！
注意，攪拌最好不超過30秒，不然會太熱把食物的營養都消滅掉～～～～

材料有熟透的香蕉，菠蘿及菠菜，菜類要揀深綠色葉的，而且只要葉不要根莖的部份。另外要加少量水份即可！

不消半分鐘就見到成品，真的很簡單，口感就如一般的Smoothies，雖然是深綠色，但味道不如想像中的苦澀or 齋到喊，飲落都幾甜，其實我好怕食菠菜，咁就食左一大把，真聰明。

上左一陣又是中午飯，課堂在綠野林舉行，當日安排的食生餐點都好精彩。
其中有部分做得不似蔬菜！沒有白糖的調味下，水果的清甜都跑出來了！
而且都幾夠飽！兩次的全日課程後都沒再需要吃晚飯～～

令人看到心心眼的主菜！包括左用青瓜做的意粉，中間夾雜左少量的甘荀，顏色繽紛令人感到非常開心！醬汁唔多，溫度唔會太凍，吃著有健康感覺～～～ 感受到大地的溫暖！纖維多，食完好飽飽又唔會好眼訓！

下午仲有祥哥教炒菜，加少量鹽再用手的溫度把菜加熱，不消五分鐘就看到菜慢慢轉色～好有趣！加少少醬料或麻油，就可以做到冷拌啦，好簡單呢！
仲有靚靚的甜品，沒有奶蛋食份，換來大量的果仁，打得質感很軟滑，好飽肚呢！

除了一些數據上的記錄，仲有得試氣場及脈輪能量分析，呢個我想玩左好耐啦！
一個人的彩光氣場主要分為：紅色、橙色、黃色、綠色、籃色、紫色和白色。而每個色彩都有不同的詮釋，每一個色彩都各自有一個位置，沒有一個顏色比另一個好。而看色彩的同時, 彩光的形狀和位置也扮演著重要的角色。
Kawai覺得都大部分都幾準，答案自己亦早知道，希望呢三個月可以有更多的改變！
o黎緊呢三個月，我都會進行大比例的食生（70％以上），我亦會不斷Update我的情況～

P.S, 食左第一日生之後，朋友都話我精神明顯好左！我都覺得睡眠質素好左～
前兩日導師們仲話我退左D 水腫！會好多相同大家分享～～

期望三個月後我會更加健康，因為我已經決定左！
大概個半月後我就踏入40歲啦，希望仲有好的體力去玩去感受世界 :)
食少兩餐應該唔會死，但食差左自己的身體，就好難補救！

有關生機素食 (Raw Vegan)
是最適合人體結構的飲食。不單能恢復健康，不再受疾病的折騰，更能逆轉衰老，樣貌、皮膚、身材和身體機能至少年輕十至二十年！

更多有關資料，可按連結至 綠野林 官方網頁 / Facebook

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare