(=^･ω･^=) 魚介湯底 ♥ 沾麵起家 ♥ 三田製麵所 (=^･ω･^=)

銅鑼灣的拉麵街，已由街頭食到街尾，唯獨是這間三田製麵所，一直未有機會食到，晚市門外一支獨秀的長長人龍，本人立即打退堂鼓。我是極度討厭排隊的寶寶😅！
今日大概三點多開完會行過，竟然沒人龍，可以直入，天呀！注定要吃吧！

沾麵有分三個Size，大中小份量是同價，我揀左140g細Size，店員表示140g等同公仔麵一樣大小，建議我揀中的，為免不夠飽。而麵條也可以揀冷或者暖麵，因為我喜歡食硬少少，所以揀左冷麵（煙韌啲）。

等左五分鐘左右，就見到我嘅拉麵啦！
濃厚魚介沾麵 $78 係超級的鮮香，聞到都知道沾湯好濃郁呀！魚介湯濃厚，上面有紫菜及味粉，湯底橙啡色質感濃稠，把冷麵湯沾上汁味道剛好，微曲的麵線掛湯能力尚好。

溏心蛋做得味道不錯，吃到蛋白的甜味，只是蛋黃部分略為熟了一點。
仲叫左黑胡椒炸雞翼，本是一客兩件，但因為雞翼比較細隻，所以我這碟有三隻，整體雞翼調味都幾咸，黑椒味因在面層，入面的肉未入味，而且又油膩，感覺都挺一般，不用浪費金錢。

午後真心抵食，又不用排隊，正！忘記了叫店員幫忙加清湯再飲一下，不過我估好快又會再去食麵。
三田製麵所
銅鑼灣登龍街1-29號金朝陽中心2期Midtown地下D號舖
星期日至四: 11:00-01:00 星期五、六及公眾假期前夕: 11:00-03:00
For Collaboration and Invitation,
Please send to : littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare