長腳蟹代言間公司做$388激光脫毛

Katie扮靚坊 於 27/05/2014 發表 收藏文章
早2日試左$388脫毛…

之前係FB見到長腳蟹代言間公司做$388激光脫毛,個價錢就真係好抵啦,之後上網search下間公司dream beauty pro,有好有唔好,不過有啲好似中肯啲,都講明有sell不過都出到門口…

最後再搵下其實公司,又真係唔多打正旗號$388激光兼永久脫毛,最後都係人一世物一世心態,衰極都係$388啫…


之後我係FB同佢地book時間,我想講講呢樣,佢地FB啲服務都真係幾好,問完一陣又有人答仲要好詳細下,呢個服務專人真係值得讚!

到做脫毛嗰日上到佢地旺角分店(其實我想講近油麻地多啲!),一路我都Keep住無咩笑容,費事佢地以為我好nice可以sell爆我!!!! 一入到去我同reception姐姐講約左做underarm脫毛,之後佢就叫我坐坐叫我飲杯茶,因為第一次做顧問要同我講返啲脫毛護理嗰啲,嗰陣我諗唔好一開波就sell掛…不過好出奇,個顧問同我講解完個做法同簽左份同意書就比我入房換衫。換完衫之後個美容師姐姐入左黎幫我清潔左個underarm先,之後就開始剃毛,剃嗰斛佢問我係咪以前成日「炆毛」,我心諗你又知,不過我扮晒野唔太應佢淨係嗯嗯下,之後佢同我講話我underarm有毛囊閉塞,多數都係以前「炆毛」多引致,呢個時候佢叫我可以試下加做個「毛囊淨化」開先囊,咁做激光脫毛個效果會好啲,不過我就同佢講「我唔想加錢!」(係咪好型呢???!!!) 之後佢就笑笑口話無所謂,可以考慮下先啦~ 可能佢都知我唔好sell,成個過程佢都淨係同我傾下閒計同埋講解下做緊咩程序~

做完之後換返衫,就出返去飲杯茶,個顧問又再一次現身啦! 當然都係問下效果滿唔滿意、個過程O唔OK咁,無可避免,梗係問下有無興趣做埋其他位置呀嗰啲,我話唔洗住啦,諗下先啦,咁佢都無死冤住我,比我簽完之後同我約埋時間就走人,過程OK,唔算話要出晒功夫打走人~

我都明白間間美容院sell客都在所難免,如果好似呢間咁既程度我都可以接受,起碼唔洗天光sell到天黑攪到要報警咁滯,整體黎講環境質素都OK,都值得一試既~

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→