初嚐大閘蟹BB【六月黃】❤ 上海佬餐館

好快又將到食大閘蟹既季節啦~~~
等唔切既話就可以先品嚐一下大閘蟹BB【六月黃】啦!!!


之前來到位於灣仔杜老誌道的【上海佬餐館】晚膳~~
這裡光線較暗, 有點較西式的情調, 而且設計上有別一般的上海餐館：
令人感覺是高級的西餐廳呢!!!


先來一杯紫貝天葵蜜~~
味道酸酸甜甜, 用來消暑解渴絕對一流喔!!!


頭盤冷菜分別有：酒糟枝豆‧花雕酒醉雞‧黑魚子燻蛋

酒糟枝豆味道爽甜中帶有很濃的酒香, 不錯；花雕酒醉雞是去了骨的, 肉質滑嫩, 雞皮又不韌, 帶有微微花雕酒香；
最後的黑魚子燻蛋, 那煙燻味不算太濃, 仲係糖心蛋來甜甜的''*


❤ 六月蟹粉法包
第一道【六月黃】的菜式, 用上新觧大閘蟹BB 生拆蟹粉~~一大兜蟹粉連法包, 見到都已經流口水了!!


將橙黃色的蟹粉塗上法包；
味道鮮甜又不膩, 啖啖都食到滿滿蟹粉, 好滿足好滋味!!!
如果可以多幾個法包就更好了''*

❤ 上海佬炒海虎蝦
以避風塘的煮法去製作, 大大隻的蝦炸得金黃；
伴上很多炸蒜等避風塘配料''*


隻蝦真係有食指咁長, 而且啖啖肉之餘仲有蝦膏架!!!
肉質爽口彈牙, 帶點辛辣的口味而不油膩, 十分惹味呢~~


❤ 六月黃炒年糕
期待已久的大閘蟹BB【六月黃】出場''*以年糕伴蟹的製法很特別, 醬汁很香濃惹味；
而大閘蟹每隻約三両重, 細細隻的有點怕不夠過蟹癮呢!!


半隻【六月黃】其實蟹肉也不少喔!!!
內裡都有少許蟹膏, 食法跟平時的大閘蟹大同；
其醬汁配搭得很不錯, 配搭埋年糕的食法也蠻新鮮喔~~

❤ 青芥末魚肉煎餃
以青芥茉和魚肉拌勻釀入以春卷皮製成的餃子內；
外頭煎得脆脆的, 內裡可見到很多青芥末, 這配搭很特別的!!
可惜我不喜歡青芥末的味道, 如果可多D 魚肉就好了''*

❤ 毛豆百頁結
食完濃味的, 當然要食返D 淡味菜式清清腸胃!!!
傳統的上海菜式, 用上清湯來煮成的毛豆爽口清甜；
而百頁結很幼滑又有咬口, 仲好入味''*


甜品就有改了版的【黃金高力流沙】
以流沙奶黃作餡料, 但沒太多流出來的效果；　
外皮薄薄的, 質感很軟而不膩!!!


最後還有木瓜雪耳杏仁豆腐
嫩滑的杏仁豆腐配上清甜滋潤的木瓜雪耳, 很搭配!!!女生們一定非常喜歡~~

這裡是菜式全是特別炮製及帶有特色的~
環境舒適, 侍應的服務很貼心, 值得一試喔''*

上海佬餐館 Shanghai Lo
地址：灣仔杜老誌道 5號 1樓

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

BeautyExchange．BeautyLife．BlogDB．Blogspot．ELLE．FanPiece．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare
Kami 嘉美 の 貪靚鬼愛分享
Promote Your Page Too