【飲食】元朗西菁街|偉記小廚|流心皮蛋 & 荷葉籠仔飯

Jane World for Food 於 21/12/2015 發表 收藏文章
跟家人到了位於元朗西菁街(元朗的其中一條食街)的偉記小廚。
由於【偉記小廚】舖並非對馬路的舖位,所以要兜入少少先會見到。
這面因為較近民居,所以比較靜。
一入門,大約有10-15張枱,大約70%滿位。

先來一道花枝釀皮蛋(HKD 68)
花枝表面炸得好脆、好香口。
而且,流心的皮蛋,我第一次食,感覺好正!

再來一份蒜香牛油豬串骨(HKD 88)
原本諗住應該好細份,點知一上枱既時候,大家都話咁大件XD
我地呢碟有5件,其2件勁大件,2/3隻拳頭咁上下!!!
蒜頭炸得好香,一啖肉,再送少少蒜頭,正!
d蒜頭正到要用黎送飯 (但後果係第2日生飛滋 > <)
但呢碟豬串骨真係大件抵食兼好味~~

食得太多肉了,食返少少菜先。
所以,嗌左生拆蟹肉扒西蘭花 (HKD 78)。
一上菜時,有點失望,蟹肉不多。
但味道不錯,而且西蘭花份量不少,重熱辣辣。
我至少食左半碟!

因其中一位家人不吃西蘭花,另叫了金銀蛋肉碎時菜(HKD 58)。
一看就知道金銀蛋十分足料,不過我唔食白茶,所以不評論了!

最後,當然要吃招牌菜 - 荷葉中蝦籠仔飯 (HKD 168)
上菜時,廚房巳先為客人剪走多餘的荷葉了,
但個人認為保留整個荷葉會比較好。

籠仔飯的size比我想像中的大很多呢!
所以,HKD 168來說一點都不貴了,
我們只有3個人,所以都別不完入面飯。
(個人建議 4-6人享用,每人1碗多少少)

中蝦開半,打開放在中央,蝦肉舖上了厚厚的蒜蓉,很好吃!
當你一"不"飯既時候,陣陣既荷葉味會散發出來。
但飯中加了蒜蓉? 還是蝦上的蒜蓉浸入了飯中,
所以,變成了蒜蓉香的飯,不錯。
可是,只有淡淡既荷葉味浸入飯中,不夠濃郁,
如果荷葉味可以更重就十分正了!

PS: 雖然環境一舨,但勝在服務十分好,
而且每道菜送到時都是熱辣辣的,而且價錢又合理。

****************************************
Contact Me:
E-mail: janechunwong@gmail.com
Facebook: https://www.facebook.com/JaneWong128
Instagram: JanechunOK

****************************************
免責聲明:

本文章所發表的全部內容均屬個人意見及感受,
並不代表該品牌之言論及立場。
如需協助或希望獲得更多有關產品資訊,
請直接聯絡該品牌查詢或∕和尋求相關專業意見。
如從而引起任何損失或法律糾紛,本人概不負責。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→