無論你係單身定係拍緊拖，我都建議你唔好素顏出街，就算你只係落去屋企樓下，起碼都搽番支唇膏先好見人，因為可能隨時會轉角遇到愛，又或者遇到熟人，以下係我建議就算你唔打扮出街，但係都要做既野，可能你會覺得麻煩唔想打扮。你可以素顏，可以麻甩，但係都要以清新，乾淨既形象示人，因為印象除咗對人點睇你好緊要，你既打扮，衣著亦都會大大影響到你一日既心情，同影響到你既自信。
1.潤唇膏(有色/無色)
隨身帶一支潤唇膏，就算你臉色幾差都好，一支潤唇膏幾乎令你即刻變番精神，尤其係嘴唇乾燥既女仔。
2.香水
普通花香味既香水就OK，唔好太俗，細細支，可以放入手袋，臨出街時可以拎出黎噴，keep一日好既心情，就算你有麻甩味都可以遮到，你雖然好素咁出街，但係透過誘人香味，都可以變香香公主。
3.潤手霜帶住細細支既潤手霜入袋，隨左可以滋潤雙手，亦都隨時準備ready有男仔掂你隻手，又或者拖你隻手，會冇咁粗糙。
4.頭髮保濕噴霧
就算你唔化妝，著衫又隨便都好，臨出門口最好噴一下個麻甩頭，你唔想梳可以，但係請你噴下佢，再拎手指抓下個頭，俾人感覺上個頭唔會太乾又或者太油。
其實呢4樣野你有做齊晒，就算你素顏都好，著得幾差都好，起碼唔會俾人感覺差，唔化妝都可以好靚，其實我都係最近先開始覺得，其實唔一定化妝先可以靚，素顏+清新形象都可以係另一個大市場。
---------------想睇更多文章就Like Facebook page :虐心者
請按此登錄後留言。未成為會員? 立即註冊