「喂！頭先個待應同你say hello 喎！」 「係咩，我聽唔到......」
「佢好似對你有意思喎」
「你會唔會諗多左啊，人地只不過係同我say hello 唔代表係對我有意思。」
「唔係喎，佢頭先真係係咁望住你喎！」
係K房行出黎，朋友A係咁拉住我黎講，於是我開始思索，到底呢個世界發生過幾多次同樣既事，會錯意既人又有幾多個，又或者人地可能真係想追你既，你又唔知道既，又有幾多人試過，呢個所謂俗稱「美麗的誤會」。
如果我真係相信朋友A所講，以為個男仔真係對我有意思，咁又可以點做呢！唔通真係主動問佢咩！唔會，所以咪話囉，通常狩獵人都會放長線釣大魚，睇係釣到邊一條咪邊一條囉。
一個美麗既誤會，除左要有適當既曖昧感，亦都要有「似有還未，非虛則實」既境界，咪即係如果你意會到另一個人對你有意思，佢咪照例接受，用哂所有暗示，你會唔到意既，佢咪繼續一世都扮唔知，然後繼續釣過另一條魚，驚咩，怕蝕底，怕樣衰俾人知道佢想追你。
男人，要臉子架嗎！
男人都係見一個追一個，見到邊度有靚女就會探個頭過去，又或者男人天生都愛征服，係個天生既狩獵人，佢地會不停地物色最好的獵物，然後用盡方法務求得到另一方既青睬。
直至完全佔有一個人......
.............
圖片來源：網上取材Facebook page :虐心者
請按此登錄後留言。未成為會員? 立即註冊