港式情侶合約(女方)

呢份合約由___________(BB/寶寶/老婆/老婆豬)(下稱「我」)與___________(BB/寶寶/老公/老公)(下稱「你」)於_____年___月___日訂立，雙方都同意以下既拍拖條款:

1. 拍拖日期
此合約由即日起正式生效，拍拖時間由即日起至永遠。此期間你若單方面向我提出分手而無合理既解釋，你須為我身心受到嚴重創傷而作出賠償，賠償金額到時再詳談。

2. 拍拖期間一定要去既地方
a. 香港境內任何高級兼有趣既地方，如高級hotel、高級商場、私人會所、私人遊艇等等。b. 香港境外任何高級兼浪漫既地方，法國、希臘、有極光既地方等等。
c. 嚴禁踏足貧民區，如大排檔、街市、核突商場、M記、你屋企等等。

3. 拍拖時間
一星期7日，每日唔可以少於24小時。

4. 拍拖條款
a. 同我出街，我可以遲到，但你就唔可以，因為你都知女仔出門口之前有好多野要搞嫁啦。
b. 同我出街，你要識做。見倒我熱，要即刻買凍飲比我(starbucks既coffee就ok嫁喇)，凍既話，要即刻識做攬實我。
c. Facebook status要轉為同我in a relationship，張pro pic都要係同我既合照黎。d. 我要知道你電話個開鎖pw同所有網站既ac, pw，我有權睇你電話入面既所有野。
e. 鬧交嗰陣唔理係邊個錯都好，最後你都要向我認錯先，之後我再考慮我洗唔洗都向你認錯。如果我仲係嬲既話，你要用盡所有方法黎令我下番氣，例如: 講笑話、請食好西(最好就buffet)、下跪、扮豬等等。你要明白，我要你咁做都係為你好，因為你咁做我會更愛你。
f. 嚴禁與家屬以外既女性單獨出街。
g. 你與任何其他人既一切活動，你都一定要先向我報告並獲得我既同意先可出發。

附例: i. 不得對以上既一切感到不滿。

你我雙方都完全清楚以及明白以上既各項內容，並同意簽名作實。雙方都均需保存一份合約文本作日後參考。

我個簽名__________________________ 你個簽名__________________________


~~~~~~~~~~~~~~~~~~~~~~~~~~~~~~~~LOVE~~~~~~~~~~~~~~~~~~~~~~~~~~~~~~~~


需要PDF檔既情侶們可inbox我^^ 無任歡迎^^

FB: https://www.facebook.com/ineverwearnightgown/