你同佢做過未?

情侶間經常有好多嘔心得黎又好sweet既行為。一齊耐左，隨住彼此既感情昇華，喺對方面前越黎越坦蕩蕩，越黎越核核突突......

1. 毒癮
一齊既時候，基本上只要係喺佢隔離，不論係企定坐，每隔30秒我個鼻就會自動控埋佢度好似狗咁用力索。嗰種從索佢體香中得到既快感真係正到難以形容。而喺唔同既場合，索索既目的地係會有所改變的……（你懂的）

2. 愛的印記
相信唔少人都同我一樣係極鍾意咬另一半。同佢一齊就好似突然B仔上身咁瞬間出牙仔牙痕，想咬雲佢全身。一路咬一路望住佢個enjoy樣嗰種樂趣真係不得了。
3. 懶係ROMANTIC
以前細個成日睇電視見倒d男女主角會錫對方額頭，嗰陣我真係覺得chok到呢……但估唔到原來錫額頭仔真係有種魔力。每次一望倒佢，就好有衝動想錫埋去。每次錫佢額頭仔既時候，我都充滿住憐愛同疼錫咁啜埋去……

4. 自由奔放
喺對方面前，大家都會好自由奔放，再唔會識寫「儀態」兩隻字。例如當feel倒鼻痕，會好自然咁伸手指入個loan度捽，會唔介意喺對方面前「採礦」，甚至會主動叫對方檢查下乾唔乾淨。然後發現仲有既話就會......一野hi落佢度^^

5. 夏～～～當你同你既另一半度過一夜之後，朝早醒來既你一定會感受倒對方從口入面散發出黎既熱情。嗰種酸腐既口氣，尤其係有埋因為佢係帶住矯形牙套訓而附送既膠味，我個人覺得其實係幾性感。相信佢一定都覺得我d口氣聞完係會好精神抖擻，所以朝早一開眼，我地就會向住對方不斷玩弄口氣。夏～呵～夏呵夏呵～～

6. 仲細咩而家
的確係唔細嫁喇，但喺佢面前就總係會變到成個智障咁，懶係細個咁。同佢講野基本上無時無刻都會夾雜住大量疊字，例如：「你食左飯飯未呀？」，「你痾左幾多舊屎屎？」。外人聽落可能覺得嘔心，但對我地熱戀中既人黎講簡直就係一大情趣，最好就有幾疊得幾疊。拿，寶寶，我唔排除我會一世都同你用疊字講野嫁^^

鍾意既please like同follow FB ^^ https://www.facebook.com/ineverwearnightgown/