女朋友病咗都唔戒口 大聲啲同佢講，又話我做咩鬧佢… 原來人類總係要好似小朋友咁氹先會聽話:) 精選 推薦

唔知大家拍拖見得密唔密？而我同之前女朋友因為住得遠，好多時一星期都係見一次，所以都會好珍惜出嚟嘅時間

就算有一次佢肚唔舒服，醫生都叫佢多啲休息但都堅持出嚟
.

「但你琴晚仲肚痾喎…」

「我今朝好番好多啦～」
.

「吓..但係醫生…」

「咩呀..你唔想出嚟咩..」

「我點會呀～如果你得，我當然無問題啦」.

呢刻，我發覺自己好似重要過佢嘅身體 (好似係)

其實會有少少暗爽ha
.
.

喺香港嘅夏天，條街真係熱到人都溶

好多時我地都會想食啲凍嘢爽一爽

「真係痴線，成35度！不如去買嘢飲？」

「我想食雪糕！」
.

女朋友對於甜品，尤其係雪糕就好似有毒癮一樣..
.
「你仲食雪糕？！唔得！」

我聽到佢講呢句，毫不猶豫、毫不留情咁ban咗佢

「吓…我好想食呀..」

「都話咗唔得！你自己琴日先肚痾完！」
.

其實雪糕同肚痾兩者有無直接關係，我唔知、我亦都唔係醫生

但直覺話我知，食咗就會有機會出事

「你做咩咁惡話我喎…我今朝無事啦！我去買啦～～」

可能我語氣重咗，女朋友以為我鬧佢.

同時間佢承機拖住我行，目標就係前面嘅雪糕店

或者佢就係咁任性，就好似小朋友嗲媽咪買嘢食咁，想要個樣嘢就咩都唔理
.

「我唔係鬧你呀…我怕你又肚痛咋..」

「但我真係好想食呀..」

夏天嘅天氣，冰凍嘅雪糕的確又真係幾吸引嘅～
.

「乖啦..其實我都想食架，不過..我陪你一齊戒口～等你好番再一齊食，好無？」

「嗯…你應承我架..」
呢個小朋友，真係受軟唔受硬～

但同時亦因為佢咁嗲、咁低B嘅性格，先令我更加鍾意佢
.

P.S 豆腐味雪糕真係無得輸～:P

#凍豆腐仔 #豆腐萬歲

圖片來源: 宋仲基
.
ig:hottofuzai
fb: 熱豆腐仔