為左有藉口約你睇戲,我傻到呃你話有免費飛,其實自己偷偷地去買..

熱豆腐仔 於 15/04/2016 發表 收藏文章

第一次約人單獨出街,有時真係需要好大勇氣
尤其是大家第一次見面...

#愛真的需要勇氣..

唔好再唱啦先生!好難聽呀!
.


咁究竟有咩藉口可以約對方出黎而又無咁尷尬?
初初約會,去嘅地方同埸景或者都要好好考慮
又驚對方唔鍾意,又怕個環境唔適合

或者大家都會怕陌生無話題,咁可能入戲院暗暗地都係唔錯嘅選擇
始終睇戲都算大眾化活動

就係咁,我就決定用超人埋手
.

「係呢..有無興趣睇超人對Bat Man呀?我有兩張免費飛..」

「吓..聽人講麻麻地咋喎..」


大獲..
點解結果唔係我想像中咁架!


「唔緊要啦..又唔洗錢既,睇下佢地點樣打都好嘛,明明就超人贏緊..咁都仲有得打..Bat Man 今次真係too bad 啦,你話笑死唔笑死,哈哈..」

「嗯..」

………………..
.

係咪太爛唔好笑?
蝦蝦…蝦……..我自己笑到完埸囉~


「咁啦,你聽日放工..我地順便去附近睇埋?反正你七點就收工」

「都可以既..」

就係咁,我用霸王硬上弓既方式成功約左對方第一次約會
雖然過程非常驚險,我差啲都變左Bad Man…但最後總算成功
.

或者有人覺得貼晒錢去約人仲要比人用「冷淡攻擊」,做到成隻兵咁成何體統

參見將軍!

「你講!點解要做兵」

「將軍有所不知!其實有機會可以同心儀既對象出街,呢啲少少苦楚又算得係乜姐~你將軍個位都做兵一步一步捱上黎架姐..」


「大膽!竟然將個真相講出黎!」

有時約人要諗藉口真係諗到爆晒頭..如果大家有咩好方法記得交流交流

P.S 歡迎大家攞去溝女


ig:hottofuzai
fb:熱豆腐仔
https://www.facebook.com/hothottofu/

如果喜歡我們的文章,請即分享到︰

標籤: 熱豆腐仔  hottofuzai  電影  約睇戲  勇氣  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→