就算鬧交,都唔可以忘記要氹番對方。

熱豆腐仔 於 24/10/2018 發表 收藏文章


「我地咁忙,你仲為我整咁多嘢..」
「哈哈,苦中作樂嘛」
「我之前仲係咁鬧你..但你仲為我整心形薑片」
「對唔住,之前可能我用錯方法,見到你笑番就好。你沖涼先啦,老公仔去煮飯先~」
.

一對情侶相處耐咗,即使以往幾甜蜜都好,但無奈再鋒利嘅刀都會有生銹嘅一日,鬧交似乎亦係無可避免

平日生活太多壓力、太多煩惱,好多時唔覺意將自己嘅牌氣帶畀身邊嘅人,而另一半似乎都首當其衝,擔任住前鋒角色…有時雙方唔覺意情緒失控,一句唔該boom ba爆炸就好易發生世界大戰,生靈塗炭

所以搵到一個共識去解決問題,絕對係兩個人需要學習同面對!
.
.

仲記得之前女朋友轉新工,表示會嚟緊開始會變得忙,擔心大家見面時間會少咗...同時佢都明白自己有時係會大牌氣、無理取鬧,加上工作壓力分分鐘令自己崩潰,所以嗰晚佢都專登同我講,戴定頭盔

「可能我第時返工會好忙..一定會好攰,我怕我地會少咗見…自己會無依家咁投入,但係你記住…我心仍是暖,如果我有時會發牌氣…對唔住呀…」

我望住一個熟悉面孔,聽住一啲陌生嘅對話,我望唔透。
始終,女朋友平時好少咁認真講呢啲

「哈哈,你唔好咁嘅樣啦,我講真架...我唔想大家咁易鬧交,我地一定要氹番大家~」

所以我地亦制定咗一個「協議」,就算以後鬧交,都一定要氹番對方,無論邊個岩邊個錯,都要選擇同對方溝通,唔可以收收埋埋、唔理大家。
.
而咁岩琴晚就同女朋友一路傾電話、一路睇緊電視

「哈哈,心形,你仲記唔記得」
「記得啦~好老套呀可?」
「都唔係呀,最緊要你有心去做」

即使只係好似電視劇入面一樣,好簡單為對方整心形薑片一樣,或者可能真係好小事,喺有啲人眼中更加係無聊浪費時間...
但最重要嘅係另一半願意去做一樣嘢氹番你,呢一個舉動先係最大嘅心意,同時最令你心動!

即使眼前只係小驚喜一個,仍然暖流入心:)

PS 我相信每對情侶都有獨特嘅方法去保護呢段關係,歡迎一齊留言傾計:)


FB:熱豆腐仔
https://www.facebook.com/hothottofu/

IG: hottofuzai
https://www.instagram.com/hottofuzai/

如果喜歡我們的文章,請即分享到︰

標籤: 愛情  鬧交    情侶  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→