[TalkTalk]最令人懷緬的校園事(上)

GirlsTalk女生秀 於 28/09/2016 發表 收藏文章
那些年錯過的事,到底有多少呢?可能你係一個大專生,一個投入社會的工作狂,一個步入中年的成功人士,什至仲係一個中學生,你都會不由自主咁回憶最幸福的日子...中學

上堂時間
一日時間最長就係上堂,而一班嘩鬼點忍受呢,所以就會有好多趣事發生
-傳紙仔:傳紙仔就係一個聊天室,自己想講咩八婆野無聊野通通可以寫落去。仲有,就係一定要摺埋張紙傳,防止俾人見到。不過俾老師收左就唔係路喇,俾佢見到哂講佢嘅壞話
-偷食野:偷食零食係必須的,一包零食傳來傳去,仲要收喺櫃筒,要等老師拎轉面先可以食。
P.S要食朱古力或者糖,如果食薯片就會好大聲畀人發現
曖昧小經歷
校園嘅戀愛係最純潔,最令人心甜。因為段愛情係無雜質,係用心,有feel咁去愛。
-鄰座的曖昧:座位係無得揀,所以老師編嘅座位表就係決定緣份的標準。通常會同前後左右嘅人好多野傾,無聊時,開心時,心灰時,都可以搵鄰座。不知不覺中,已經同隔離嗰個產生感情。
-心甜的小動作:個男仔會成日整你,扯下你d頭髮,摸下你個頭,篤下你,而你又整翻佢,溫柔咁鬧下打下。種感情似有還無,你好想知佢點諗,但又怕羞不敢表白。
-同學起哄:中學時期,若同學見一對男女走得埋,總會製造緋聞給他們。當然,若你們處於曖昧,又被人製造緋聞,係好幸福,心很甜。你們一邊否認,一邊又享受俾人講。好似你地係注定的一對咁。

運動會
運動會係充滿動力同激情,令你同你班同學可以團結一致。
-睇男神比賽:男神跑短跑,你可以落力為佢加油,「佢真係好型,好靚仔,加油啊!」。你會心跳加速,好想佢贏,睇佢佢攞金牌。
-努力爭取個人榮耀:你會揀你最叻嘅項目參加,你可以同d同學鬥翻場,你會拼盡全力。當你贏,全場為你歡呼。當你輸,亦有一班好友撐你
團結的接力賽:4X100接力賽總係最激昂的部分☆在賽場上,終於可以使出平日練習的技巧,全力爆發。在賽場下的,可以瘋狂為你班吶喊助威,全心支持他們。

中同,原來你是我最想留住的幸運♡
標籤: 中學  拍拖  曖昧  回憶  memory  love  

留言


請按此登錄後留言。未成為會員? 立即註冊
    快捷鍵:←
    快捷鍵:→