【赤柱散心遊】比利時窩夫兼做散水餅窩夫！

疫情時好時壞， 心裏實在納悶， 到郊外海邊走走。入赤柱去完沙灘玩再去埋美利樓打個咭，上翻去赤柱廣場食翻個冰凍雪糕窩夫降一降溫先！一開始見到 Waffleman 係知道佢有賣散水餅，今次去赤柱先知原來佢有實體店賣比利時窩夫。去到行到攰，就去買件waffle坐低食下嘆下，除左有waffle食之外，鋪頭出面仲望到個好靚好大既海景。


小店還有提供甜品到會同各款散水零食，如窩夫棒、冬甩棒、曲奇、蝴蝶酥、貝殼蛋糕等等，個個都有獨立包裝好適合買一大堆，唔同地區買夠一定數量仲可以送貨上門，唔使特登過嚟赤柱買，而且接受急單，更有多款散水餅朱古力選擇，十分吸引！


🧇𝔸𝕡𝕡𝕝𝕖 ℂ𝕚𝕟𝕟𝕒𝕞𝕠𝕟 𝕊𝕦𝕟𝕕𝕒𝕖 𝕎𝕒𝕗𝕗𝕝𝕖 $➎➋

即叫即製嘅比利時窩夫新鮮熱辣辣仲少少脆身，淋上用蘋果粒同玉桂煮成嘅果醬，甜甜酸酸咁好開胃。再襯埋雲尼拿雪糕球，每啖食落口都係一冷一熱，炎夏食翻個咁消暑嘅甜品，再望住個海望住靚景感受住涼涼海風，精神真係為之一振㗎！
蘋果玉桂食落暖暖地，因為新鮮整出嚟，味道甜中帶少少果酸，玉桂味亦食得出，蘋果玉桂係一樣好難整得好食嘅一樣嘢，整體好好因為溫度足夠。

窩夫都係用比利時入口嘅材料整，麵團加入甜菜根提煉嘅比利時珍珠糖，烤焗過後都唔會溶咗，所以形成咗一個脆面，珍珠糖夠甜唔使落糖漿。

窩夫食落嘅質感好似麵包同蛋糕之間，食落唔會太乾，硬度係可以用膠匙羹切得開，食落小小鬆脆，唔算好脆嗰種亦都唔算好腍嗰種，算係煙韌帶一啲嚼勁，蛋香味十足，再加上淋上去嘅焦糖醬，因為窩夫有溫度連埋雪糕食會一冷一熱冰火交融！

小店詳情及連結：
店名︰Waffleman散水餅https://www.wafflemanhk.com/地址︰赤柱廣場4樓07室https://waffleman-donutshop.business.site/

文章只屬個人意見，只供參考
如要聯絡本人，請電郵至：lsclkm948@yahoo.com.hk