上星期去私家產檢原來已經33w4d，住青衣無乜產檢醫生所以都係去葵芳睇，呢次收我$1,040照左兩分鐘都唔知有無真係史上最hea，坦白講如果第一次去搵呢個醫生產檢時係咁，我唔會再睇佢……..
估計因為醫生當日趕住三點前去做手術出邊又有人等，所以就影左三張唔知乜部位的超聲波相：「胎水OK、十二安士左右中碼，第二胎唔會落盤住，落盤就生得架喇，頭仔係右下角。」開左葉酸($80)同鈣片($80)俾我就閃得。
好啦，最緊要都係健康無乜野就最好～如無意外黎緊應該唔駛再睇私家產檢了，因為政府的產檢後期都排得好密，加上工人在關鍵時期先返三星期鄉下，好人難做呀！答應左人唔通唔俾佢返咩，唯有jen仔放假我就同佢一齊返娘家暫住，萬一中午無啦啦作動都有多個人幫手嘛，起碼捱埋個三月啦，未足月架。由最初懷孕攰到無朋友到嘔到中期嘔到九彩都無心機影相…………….到呢期大魚大肉個肚有啲睇頭就開始影返少少相留念，同埋無前期咁渴睡，可以多返少少自己時間做野，處理公司事務同自己清埋啲文債。
雖然塊臉同小腿開始腫(沒所謂可以ps)，行耐少少腳同下盤位都好攰～不過都係大家口中的「幸福肥」，嚇我唔到既！反正唔做運動我都有信心會瘦返，湊小朋友的確勞心又勞力。呢胎就真係無乜戒口，狂飲凍野是常識吧，真係極之渴求冰的冰的冰的冰的！好似上星期凍返咁我都照飲星冰樂….食麥當勞照跟zero coke、然後青衣城2期開左間天仁茗茶真係不得了、加上前幾日hsbc信用咭去ok買野$30-$15就大量入左haagen dazs雪糕，上胎好似忍到差唔多九個月先食？
今胎………………………………………六個月未夠就連雀巢都照食啦！加上開始飲得腐竹雞蛋了，返到娘家仲專登去樹記度買腐竹黎煲架。一個人飲半煲，完全無懼高糖～陀住妹妹真是超愛甜又愛肉又愛凍野～反而今胎對薯片無咁熱愛，暫時連中間條肚紋都未出現，係有幾日敏感多左啲紅色粒粒不過幾天就退了，陀仔陀女的確有分別，今次無暈係街，但就感到下身好重訓覺唔舒服，左側右側都唔岩心水，個人笨重少少啲無上胎咁輕盈，鼻好似無變大，應該一百三十磅內埋單掛。
大肚相剛剛週末影左！下回再大家開心分享～走佬袋執好，欠對拖鞋搵日去$12店買埋就攪掂。第二胎醒水唔駛拎咁多野入院，同埋聞說瑪嘉烈無廣華咁嚴，起碼俾用插頭啦～但我估入產房應該都唔俾用手機影相？理性的人話今胎照樣入黎陪產喎，都係叫佢唔好亂咁四圍望啦XD~ 面對探宮頸真係好緊張，鄰居朋友第二胎好多都係見紅先呀，又到左次次去廁所都精神緊張咁望下有無血的階段。妹妹的初生衫拎晒出黎不過未洗，自己同寶寶出院衫未執到時睇天氣啦～
妹妹英文名未有著落無乜心水；基本上作動就拎兩個走佬袋同打的閃人入院，生左通知陪月就OK，如果唔係早產的話正路出院第二日佢就過到黎；newborn拍攝book左，大致上七七八八喇；一田BB展/ AEON展朋友幫手訂左乾棉同濕紙巾，過兩日買埋medela乳頭膏攪掂，初生BB車未揀到但唔係好急，如果唔買重型貴車就aprica luxuna算了，反正都少推車，三千有找。
攪埋今個月公司的新promotion應該可以安心待產了，胎story寫多幾篇就收爐喇。
2,074 total views, 291 views today
估計因為醫生當日趕住三點前去做手術出邊又有人等，所以就影左三張唔知乜部位的超聲波相：「胎水OK、十二安士左右中碼，第二胎唔會落盤住，落盤就生得架喇，頭仔係右下角。」開左葉酸($80)同鈣片($80)俾我就閃得。
好啦，最緊要都係健康無乜野就最好～如無意外黎緊應該唔駛再睇私家產檢了，因為政府的產檢後期都排得好密，加上工人在關鍵時期先返三星期鄉下，好人難做呀！答應左人唔通唔俾佢返咩，唯有jen仔放假我就同佢一齊返娘家暫住，萬一中午無啦啦作動都有多個人幫手嘛，起碼捱埋個三月啦，未足月架。由最初懷孕攰到無朋友到嘔到中期嘔到九彩都無心機影相…………….到呢期大魚大肉個肚有啲睇頭就開始影返少少相留念，同埋無前期咁渴睡，可以多返少少自己時間做野，處理公司事務同自己清埋啲文債。
雖然塊臉同小腿開始腫(沒所謂可以ps)，行耐少少腳同下盤位都好攰～不過都係大家口中的「幸福肥」，嚇我唔到既！反正唔做運動我都有信心會瘦返，湊小朋友的確勞心又勞力。呢胎就真係無乜戒口，狂飲凍野是常識吧，真係極之渴求冰的冰的冰的冰的！好似上星期凍返咁我都照飲星冰樂….食麥當勞照跟zero coke、然後青衣城2期開左間天仁茗茶真係不得了、加上前幾日hsbc信用咭去ok買野$30-$15就大量入左haagen dazs雪糕，上胎好似忍到差唔多九個月先食？
今胎………………………………………六個月未夠就連雀巢都照食啦！加上開始飲得腐竹雞蛋了，返到娘家仲專登去樹記度買腐竹黎煲架。一個人飲半煲，完全無懼高糖～陀住妹妹真是超愛甜又愛肉又愛凍野～反而今胎對薯片無咁熱愛，暫時連中間條肚紋都未出現，係有幾日敏感多左啲紅色粒粒不過幾天就退了，陀仔陀女的確有分別，今次無暈係街，但就感到下身好重訓覺唔舒服，左側右側都唔岩心水，個人笨重少少啲無上胎咁輕盈，鼻好似無變大，應該一百三十磅內埋單掛。
大肚相剛剛週末影左！下回再大家開心分享～走佬袋執好，欠對拖鞋搵日去$12店買埋就攪掂。第二胎醒水唔駛拎咁多野入院，同埋聞說瑪嘉烈無廣華咁嚴，起碼俾用插頭啦～但我估入產房應該都唔俾用手機影相？理性的人話今胎照樣入黎陪產喎，都係叫佢唔好亂咁四圍望啦XD~ 面對探宮頸真係好緊張，鄰居朋友第二胎好多都係見紅先呀，又到左次次去廁所都精神緊張咁望下有無血的階段。妹妹的初生衫拎晒出黎不過未洗，自己同寶寶出院衫未執到時睇天氣啦～
妹妹英文名未有著落無乜心水；基本上作動就拎兩個走佬袋同打的閃人入院，生左通知陪月就OK，如果唔係早產的話正路出院第二日佢就過到黎；newborn拍攝book左，大致上七七八八喇；一田BB展/ AEON展朋友幫手訂左乾棉同濕紙巾，過兩日買埋medela乳頭膏攪掂，初生BB車未揀到但唔係好急，如果唔買重型貴車就aprica luxuna算了，反正都少推車，三千有找。
攪埋今個月公司的新promotion應該可以安心待產了，胎story寫多幾篇就收爐喇。
2,074 total views, 291 views today
請按此登錄後留言。未成為會員? 立即註冊