| l o v e | HAPPY 100DAYS ♥ Ashley妹妹 兩個月+三個月成長記錄

無論有多少文債，終究我都不想錯過小孩的成長記錄，睇返以前寫哥哥的三年記錄都覺得好amazing！生了一個之後我覺得自己記憶力沒有減退，但生第二個之後要兼顧的事實在太多，這邊廂攪掂妹妹，又到哥哥，那邊廂攪掂哥哥，妹妹又醒了……….不管如何，話咁快妹妹已經過左100days啦！


睇返哥哥100days時張相已經可以手動轉身自己抬頭，但妹妹100days就未得，呢頭話佢未得，轉頭102days就已經可以抬高個頭喇，果然發展速度都好接近，睇黎妹妹就細粒啲，不過腳仔又幾大力～woo…….無乜壓力的情況下呢胎都一路仲餵緊人奶，妹就幸福啦！er…..識飲一定飲人奶！妹妹應該係咁諗的，要不然就唔駛一餵奶粉喊到拆天，唔講以為餵佢飲毒藥，然後媽媽就繼續努力埋身呀埋身呀泵泵泵，都有不少日子係全人奶的一天，夜晚埋單邊，另一邊集集埋埋幾餐又夠一餐咁，依然供不應求啦。開到第二罐奶粉，基本上八成都係浪費左，開100ml俾佢淨係飲10/20ml…..


pattern好快就捉到路，朝早10-11左右起身～中間泵出黎用樽餵，幾分鐘飲晒，超快！夜晚十點幾開始get ready訓，飲多餐奶就是但埋身啜一陣，通常12-1會半迷糊埋陣身，跟就訓到4am或者5am，後來就越來越遲 > 6am-7am 再迷糊埋身有時會醒半粒鐘，傾下計自己又訓到10-11唔駛抱。

兩個月+三個月咩玩法：(其實兩個月同三個月變法好大，但已經撈到亂晒……)

• 好似11磅左右
• 好鐘意笑呀！是媽媽的甜姐兒～
• 成日要同人傾計，一行開就喊，唔一定要抱但無論如何都要傾計，傾成粒鐘都得…..
• 好啦對眼係細過哥哥無誤
• 飲返100-120ml，大約三小時一餐，接近全人奶～
• 一直都是樹熊抱
• 2-3日一次大便
• 換片勁開心
• 換屎片又好定俾你抹
• 超愛沖涼（起身會扁嘴，但沖耐啲佢就滿足）
• 唔認得爸爸（麻麻地男人聲／男人抱）
• 認得媽媽，哥哥同工人
• 會同哥哥玩到keekee聲
• 夜埋一定要埋身食住訓
• 懂分日與夜
• 想開始用環保片
• merries S碼，ichiban newborn，pampers褲仔細碼
• 叫佢妹妹會笑
• 食飽就唔出聲
• 識得兩隻手拉起張被
• 埋身時鍾意另一隻手捉住件衫或者拎住紗巾
• 皮膚靚靚，無粒粒，不過唔算好白淨

寫住咁多先，再拖就到四個月都未出到文喇～上回講到三歲之後唔再寫哥哥的成長記錄，但三歲後變化好大呀！真係好想寫低現在講野所謂井井有條的佢，童年語錄呀。應該要用電話先mark低或者錄低再一次過集結，由佢地口中所講的前因後果真係攪笑。同當年的哥哥黎講，妹妹好好湊，起碼，過了newborn後沒有爆喊的晚上。
886 total views, 886 views today