| f o o d | 生日飯局驚喜推介。辛安東元祖奶奶雞 Spicy Andong

duckie-siuchi 於 03/04/2014 發表 收藏文章
來到跟友人慶祝生日飯局,難得齊人!為方便較遲放工在港島區工作的朋友,我們選了銅鑼灣分店,就是為一嚐友人推介的辛安東元祖奶奶雞,另一分店在旺角白布街20號地下。


銅鑼灣分店就在港鐵站C出口對出的京都廣場,可謂超級方便!友人曾在辛安東元祖奶奶雞吃過午飯都覺得不錯,所以這次再推晚飯!


這次一行七人我們就約了7pm,因為都幾多人,早兩日預約枱時服務員已三番四次提及「齊人先可以入」+「入座起計個半小時要還枱」,聽起來有點harsh,不過當紅的韓式餐廳也沒法子吧。


我們先齊六個就7:10pm照入座!因為眼見排隊的人數越來越多,再不入座可能要等多個半鐘呢!個人幾喜歡這種可以內裡放袋的櫈!之前在電視看過有韓式烤肉店使用,袋子不會吸到異味啊真好,想不到這裡都是用這款櫈的!


每人枱上都會有兩支凍水,也可要求熱水。還有放骨碗,煎餸菜用的剪刀,還有乾淨的鐵碗、筷子、湯匙等。

Cheers!


先來一隻照牌菜奶奶雞,我們點了有蠔那款,貴60蚊【釜山鮮蠔奶奶雞】

可選無辛/小辛/中辛/激辛,全隻$258(半隻$178),製作時間要20分鐘,未點其他菜式前他們還是會問你會否考慮點這個招牌菜,先下單再慢慢選其他菜式。

春米炸雞 $48,這個個人超級勁爆推介!必食!


冷海哲 $48  + 韓風卷 $48


芝士咖喱年糕 $48


雜菜海鮮煎餅 $68


袖蜜雞翼 $38


豬肉伴飯 $68


辛湯煮大硯 $68,還點了私制燒餃子 $42


由於只有個半鐘食飯時間,我們的「切蛋糕」環節(切餅費$50)也得急急忙忙完成!最後果真overrun了三分鐘左右,期間已經有好幾位待無間斷站在我們側給予壓力………結果我們就極速把蛋糕吞進肚子就走了,而門外更加是有十多位客人等著。

總結春米炸雞、芝士咖喱年糕和辛湯煮大硯必食,其餘菜式普通,不過以平均一碟$50以內的價位+銅鑼灣地區來說正常,其實我私心覺得尖沙咀韓國街的店子大部份都很不錯,不過元祖奶奶雞還是值得一試喔,下次去京都廣場,除了松屋食日式放題,又多一個選擇啦!

  

辛安東元祖奶奶雞 Spicy Andong

銅鑼灣駱克道491-499號京都廣場七樓(2328 8917)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→