慢慢喜歡你 慢慢的親密 慢慢聊自己 慢慢和你走在一起
來到胎storyII的終極篇喇！坦白講兩個夠晒數～一仔一女喎！所以我的胎story該不會有第三集，留返俾各位女生們啦～儲儲埋埋補眠前的少少時間分享一下今次第二胎的生產過程，都係離唔開血血淚淚…..膽小者慎入。妹妹出世前兩日去政府產檢，check到血壓（上壓141 / 139）少少踩界，結果要等埋見醫生，好在最後都俾我返屋企，同時間知道今胎無中B鏈，如果穿水入院就無咁擔心喇……點知真係開口中！
就在那個凌晨我同jen仔熟睡時，突然聽到「薄咯」一聲（唔係「卜」一聲喎！）似係甩骹的聲音，我即時紮醒然後感覺有少許暖流不受控制地流出….隨即出去廁所看看～直覺看來是穿水了。叫醒理性的人就call的士去瑪嘉烈醫院C座（急症室側邊），去到產房直接登記，換好醫院衫後磅重（忘了幾重？好似係over一百三十嚕）check血壓（高！姑娘叫我冷靜少少….再check都係高，上壓156）我躺在床上，腳不停震，心跳好快….好緊張，平復唔到。先有第一個姑娘探宮頸（探宮頸真令人好恐懼！再次覺得個人去到好盡…….腳板對腳板然後被用手插入…….）佢話BB個頭直情未落盤，好高摸唔到，check一check又流更多水了。然後被推入11號產房，駁住機，姑娘話feel到bb郁就按一下。
呢個時候開始輕微的痛，似輕度m痛咁～大概3-5mins一次，以為咁益我痛得咁密…..姑娘曾經問過我一次要唔要止痛氣（笑氣）！我居然拒絕話仲頂到……….10分鐘後我後悔了，即刻ask for 笑氣，原來側邊就有，鼻吸口呼，姑娘話一痛就大力索啦。跟住的痛開始疏左但痛左，around 10mins ～我拼命地索呀……期間有醫生入黎探宮頸，仲要用夾…..痛到升天！再用手探多次話未開度數，係零度呀！下…..我話我已經好痛喇，點解會未開…………………………問姑娘生得未，會唔會開刀，佢話頭仔未落，唔係今日生就聽日都生架喇。於是我叫理性的人返屋企休息先。
之後斷斷續續地重覆少痛、大痛、少痛、大痛、少痛、大痛，有幾下大痛我直接問姑娘係咪生得，佢話呢啲痛痛得好好呀，有進展！起碼要咁樣BB先出到黎。我話我覺得好痛喇，姑娘話生仔係要咁痛架啦….後來又再痛左，但時間疏左，姑娘一入黎咁講，我已經醒水即刻話打打打打，打催生針啦！間期我多謝左兩次姑娘，因為我話有笑氣已經幫到好多，好感謝～姑娘話：你上胎無笑氣咁慘呀？
打左催生針後，過左唔知幾耐開始黎料，我聽到姑娘話再加藥催生，然後我就拼命索笑氣呀索笑氣，有幾下索到自己個人好～抽～離～，我估係傳說中似high左野咁掛？只係有聲無畫面，下身係痛，但上身係感覺抽離同就快暈之間的，再有多一次叫左個姑娘黎check～但已經無理佢講乜。隱約聽到姑娘話叫我冷靜啲，還未來得及話幫我打支止痛針（不是無痛）我就覺得已經痛到係可以生的感覺，叫姑娘打俾理性的人陪產，就在此刻又來不知多少次劇痛，我大力索笑氣，suppose要口呼氣，但我拉開個罩話：「救命呀」「我要生喇」「我要痾喇」「唔可以停喇」。然後全個人抽搐／打側，姑娘叫我唔好再打側，腿張開，踩上踏板，仍然打側……俾姑娘叫我痛就吸，「唔好再打側呀」「你踢到我條腰喇」「痛就吸啦」「我叫你唔好拉開呀！」「鼻吸口呼呀」「BB心跳停就好危險架喇」「賴晒屎喇」我出力痾呀尖叫呀救命呀，幾下之後就痾左細細粒的妹妹出黎喇………………………………………..
今次居然無剪，只係痾損左少少聯兩針，回想上胎個傷口都不知有多大！聯針時都係痛到我雪雪聲，我仲問姑娘可否要笑氣「無呀，聯針無笑氣聞架喇，兩針咋」笑氣真的好重要，是的，今胎理性的人係趕唔切入黎陪產架！不過有笑氣就得了～有笑氣就得了～有笑氣就得了～有笑氣就得了～有笑氣就得了～有笑氣就得了～有笑氣就得了～因為笑氣真係比爸爸在場來得更重要。而且我失心瘋咁吸笑氣吸到咁抽離又打側賴屎又叫救命，都唔太想比理性的人見到了。
好！狠！痛！
但第二胎原來真係快到措手不及，痛到升天，五個鐘攪掂。
生完問我男仔定女仔，五磅幾的妹妹（哥哥七磅多呀！）今日幾多號。抹乾淨伏在我的心口，理性的人進來了，姑娘主動幫我們拍攝，媽媽就例牌顛婆咁所以都係私藏!今胎我已經醒水撥下頭髮，舉高少少頭，頭先話我踢到佢條腰的姑娘仲講左句：「原來媽媽都好靚喎」….嘩，講呢啲。（值得記錄吧XD）跟住俾左啲粥水我食就上產後病房喇，然後向家人報喜報平安，再等理性的人送午飯黎。（在醫院拍的）
妹妹就在2018年4月11日出世了，今胎傷口真係唔多痛～精神同胃口都比上次好好多，再展開夜晚無覺好訓的三日兩夜留院的日子，不停埋身埋身埋身埋身埋身埋身居然係醫院無補過奶粉！結果媽媽一切安好13號已經可以返屋企，妹妹就收水太多9.3% (over8% weight唔俾走)姑娘suggest我補一次奶粉再磅重，結果都係over8.2%差少少都兒科醫生都唔俾走。妹妹就14號先返屋企嚕～埋單$315+$60。想講瑪嘉烈醫院姑娘同EE都好好，對著我這瘋婦都語氣仍是好好呀！感謝～
HELLO, MY NAME IS ASHLEY
哥哥看到妹妹回來是開心的，當然點都有啲爭竉啦，妹妹喊佢會話：「我覺得佢喊得好大聲呀！」日間作為睡寶寶的妹妹，就不知多少個晚上攪到哥哥要after 1am先有得訓，然後我就繼續坐月的日子，慶幸請到一個好好的陪月！只是我第一日就太積極埋身天氣又熱又無得開冷氣結果攝親又嘔又瀉又肚痛………..再之後的日子我就一埋身就肚痛同嘔，食左幾日白粥，12朝先好啲咋……………………………………………….待續。
1,451 total views, 1,451 views today
來到胎storyII的終極篇喇！坦白講兩個夠晒數～一仔一女喎！所以我的胎story該不會有第三集，留返俾各位女生們啦～儲儲埋埋補眠前的少少時間分享一下今次第二胎的生產過程，都係離唔開血血淚淚…..膽小者慎入。妹妹出世前兩日去政府產檢，check到血壓（上壓141 / 139）少少踩界，結果要等埋見醫生，好在最後都俾我返屋企，同時間知道今胎無中B鏈，如果穿水入院就無咁擔心喇……點知真係開口中！
就在那個凌晨我同jen仔熟睡時，突然聽到「薄咯」一聲（唔係「卜」一聲喎！）似係甩骹的聲音，我即時紮醒然後感覺有少許暖流不受控制地流出….隨即出去廁所看看～直覺看來是穿水了。叫醒理性的人就call的士去瑪嘉烈醫院C座（急症室側邊），去到產房直接登記，換好醫院衫後磅重（忘了幾重？好似係over一百三十嚕）check血壓（高！姑娘叫我冷靜少少….再check都係高，上壓156）我躺在床上，腳不停震，心跳好快….好緊張，平復唔到。先有第一個姑娘探宮頸（探宮頸真令人好恐懼！再次覺得個人去到好盡…….腳板對腳板然後被用手插入…….）佢話BB個頭直情未落盤，好高摸唔到，check一check又流更多水了。然後被推入11號產房，駁住機，姑娘話feel到bb郁就按一下。
呢個時候開始輕微的痛，似輕度m痛咁～大概3-5mins一次，以為咁益我痛得咁密…..姑娘曾經問過我一次要唔要止痛氣（笑氣）！我居然拒絕話仲頂到……….10分鐘後我後悔了，即刻ask for 笑氣，原來側邊就有，鼻吸口呼，姑娘話一痛就大力索啦。跟住的痛開始疏左但痛左，around 10mins ～我拼命地索呀……期間有醫生入黎探宮頸，仲要用夾…..痛到升天！再用手探多次話未開度數，係零度呀！下…..我話我已經好痛喇，點解會未開…………………………問姑娘生得未，會唔會開刀，佢話頭仔未落，唔係今日生就聽日都生架喇。於是我叫理性的人返屋企休息先。
之後斷斷續續地重覆少痛、大痛、少痛、大痛、少痛、大痛，有幾下大痛我直接問姑娘係咪生得，佢話呢啲痛痛得好好呀，有進展！起碼要咁樣BB先出到黎。我話我覺得好痛喇，姑娘話生仔係要咁痛架啦….後來又再痛左，但時間疏左，姑娘一入黎咁講，我已經醒水即刻話打打打打，打催生針啦！間期我多謝左兩次姑娘，因為我話有笑氣已經幫到好多，好感謝～姑娘話：你上胎無笑氣咁慘呀？
打左催生針後，過左唔知幾耐開始黎料，我聽到姑娘話再加藥催生，然後我就拼命索笑氣呀索笑氣，有幾下索到自己個人好～抽～離～，我估係傳說中似high左野咁掛？只係有聲無畫面，下身係痛，但上身係感覺抽離同就快暈之間的，再有多一次叫左個姑娘黎check～但已經無理佢講乜。隱約聽到姑娘話叫我冷靜啲，還未來得及話幫我打支止痛針（不是無痛）我就覺得已經痛到係可以生的感覺，叫姑娘打俾理性的人陪產，就在此刻又來不知多少次劇痛，我大力索笑氣，suppose要口呼氣，但我拉開個罩話：「救命呀」「我要生喇」「我要痾喇」「唔可以停喇」。然後全個人抽搐／打側，姑娘叫我唔好再打側，腿張開，踩上踏板，仍然打側……俾姑娘叫我痛就吸，「唔好再打側呀」「你踢到我條腰喇」「痛就吸啦」「我叫你唔好拉開呀！」「鼻吸口呼呀」「BB心跳停就好危險架喇」「賴晒屎喇」我出力痾呀尖叫呀救命呀，幾下之後就痾左細細粒的妹妹出黎喇………………………………………..
今次居然無剪，只係痾損左少少聯兩針，回想上胎個傷口都不知有多大！聯針時都係痛到我雪雪聲，我仲問姑娘可否要笑氣「無呀，聯針無笑氣聞架喇，兩針咋」笑氣真的好重要，是的，今胎理性的人係趕唔切入黎陪產架！不過有笑氣就得了～有笑氣就得了～有笑氣就得了～有笑氣就得了～有笑氣就得了～有笑氣就得了～有笑氣就得了～因為笑氣真係比爸爸在場來得更重要。而且我失心瘋咁吸笑氣吸到咁抽離又打側賴屎又叫救命，都唔太想比理性的人見到了。
好！狠！痛！
但第二胎原來真係快到措手不及，痛到升天，五個鐘攪掂。
生完問我男仔定女仔，五磅幾的妹妹（哥哥七磅多呀！）今日幾多號。抹乾淨伏在我的心口，理性的人進來了，姑娘主動幫我們拍攝，媽媽就例牌顛婆咁所以都係私藏!今胎我已經醒水撥下頭髮，舉高少少頭，頭先話我踢到佢條腰的姑娘仲講左句：「原來媽媽都好靚喎」….嘩，講呢啲。（值得記錄吧XD）跟住俾左啲粥水我食就上產後病房喇，然後向家人報喜報平安，再等理性的人送午飯黎。（在醫院拍的）
妹妹就在2018年4月11日出世了，今胎傷口真係唔多痛～精神同胃口都比上次好好多，再展開夜晚無覺好訓的三日兩夜留院的日子，不停埋身埋身埋身埋身埋身埋身居然係醫院無補過奶粉！結果媽媽一切安好13號已經可以返屋企，妹妹就收水太多9.3% (over8% weight唔俾走)姑娘suggest我補一次奶粉再磅重，結果都係over8.2%差少少都兒科醫生都唔俾走。妹妹就14號先返屋企嚕～埋單$315+$60。想講瑪嘉烈醫院姑娘同EE都好好，對著我這瘋婦都語氣仍是好好呀！感謝～
HELLO, MY NAME IS ASHLEY
哥哥看到妹妹回來是開心的，當然點都有啲爭竉啦，妹妹喊佢會話：「我覺得佢喊得好大聲呀！」日間作為睡寶寶的妹妹，就不知多少個晚上攪到哥哥要after 1am先有得訓，然後我就繼續坐月的日子，慶幸請到一個好好的陪月！只是我第一日就太積極埋身天氣又熱又無得開冷氣結果攝親又嘔又瀉又肚痛………..再之後的日子我就一埋身就肚痛同嘔，食左幾日白粥，12朝先好啲咋……………………………………………….待續。
1,451 total views, 1,451 views today
請按此登錄後留言。未成為會員? 立即註冊