| b a b y | 每天都在學習 ♥ jensonbb 20個月啦~

真係日日新鮮日日fun，現階段實在是太好玩了！（明明很想說可愛，但還是客觀地打了好玩…哈哈）相信每個父母曾經歷的都會覺得由歲半開始的過癮階段，講埋啲野又攪笑，真係要每日用紙仔寫低先有機會記得所有大小事（我當然沒有這樣做。）


很多很多人跟我說：你就好啦！可以自己湊，又可以home office，真係perfect。

其實，又真係未去到perfect咁誇張掛？wow….最好不如唔駛做都得食啦～如果可以的話，全職媽媽加間中寫blog 分享下就最好了，可金牛座的人嘛，真是……就是過不了自己那關口，不過….到適當的時候就不能不作出一點取捨了。像這種天氣，11,12度最好就是一早躲進被窩跟兒子老公抱頭入睡，晚晚捱到3am 4am….. 公司的事不多說了，不過另一方面分享寫blog的是自己喜歡，即使現在已經開始經常感到有心無力，還是想堅持下去，況且我都榮升師奶嚕，間中有新產品保養在家護膚真是好幸福的了～也不至於與世隔絕嘛。（只是年紀漸大，自拍素顏的可觀值真是每況愈下…..哈哈~）
照顧小孩的是前所未有（第一次當媽的都是這個心態吧？）的挑戰，幸福是坐月至jen仔六個月大我都有媽媽幫手，這一年多以黎絕對係硬頂上，無得say no，自己病了還得照顧阿仔～！每天都在學習，我深信身教比一切來得重要，身心都準備好迎接trouble two了！

記錄一下20個月的狀況，看來真的沒法記得太多～不過最大分別真的是學習神速，提過的人名同事及書本的內容，講多兩次就記得晒了。

• 好似大約有13隻牙仔
• 可以講到one to twenty，快速地講1,2,3,4,5,6,7,8,9,10~
• 低燒了幾天（但唔覺長高喎得80cm）
• 會說很多的字同英文詞語，2,3,4,5個音都能發，識最多的詞語一定係食物種類，細分到yoghurt同ice cream , ice lolly；rasberries /cranberries / blueberries 都認得，記得d親戚稱呼，冷門也記到。（小朋友的記憶力不能看少啊）成日講double decker bus同fountain，一日講廿次fountion（因為屋企樓下有，日日都話要落去睇，一日問n次有無水，會自言自語話：無水）；講MTR個R音好誇張，講egg會有好重的K音尾，又有啲中中英英，會自己轉圈圈講round and round既巴士／fish果個fountain～會唱斷斷續續的abc songs , twinkle twinkle little star同埋TVB 兒童節目think big首歌，認得叮噹同thomas，elmo，問佢最中意去邊，佢會答麥當勞；問佢麥當勞有咩食，佢會搭薯條，漢堡包，汽水。
• 會自動波睇書，開始會揀書黎睇，每日點名一定要睇train同食物的書
• 平時唔會扭手機，放係度叉電好地地，但如果我聽完電話，佢就會講：手機，俾我。問佢要手機做乜，佢會答：比卡超…..
• 出街坐車仔會拎埋一部巴士玩具
• 有時行一段路仔就會想扭我抱，會講：媽媽，抱我。
• 我坐係度時會圍住我轉，企我背後就會講：揹我（有時會講：揹你）未攪清楚我同你
• 會玩小明小明
• 耐性好左，但有野食唔等得
• poopoo時會講：mama, ngng…..
• 開始中意玩鞦韆，但玩滑梯撞過好幾次都係驚青要爬轉sir落去
• 認得朋友仔的名，有個朋友叫波子，一日叫波子廿次，又問波子媽媽，波子爸爸…..仲有朋友楠楠，希怡，agnes，嘉維，全部都日日問幾次。記得miss clara, miss annie , mj J , rachel～
• warm up時間短左，快左可以同人玩熟，不過都係唔太願意俾陌生人抱

太多不能盡錄，自己都記唔晒，但都好想盡寫，因為再過不久我肯定會唔記得晒…………….這些都是甜蜜珍貴的回憶，每個小朋友發展不同，無須比較，也不是作參考，健康快樂就得，幾時做到或者講到啲乜都唔係最重要。

毋忘初衷：）

1,084 total views, 750 views today