| f o o d | 親民米線店子 – 裕一品四川雲南米線

我們不是大時大節必須食大餐的人、沒有節日的枷鎖、沒分平貴，老套點說一家人去邊食乜都開心啦！難得第一次同jen仔去食米線，佢出奇地中意喎，今次去裕一品四川雲南米線的長沙灣總店，其實我們家對面都有間分店，想食隨時都食到~


去到梗係要試下鎮店必食三寶：黑柏葉、墨魚頭、豬大腸；偏食的我除了墨魚頭全部都不食，但我有零偏食的先生同兒子，所以還是要點來試試啦！墨魚頭有鮮味架，唔係平時只有雪藏味的墨魚頭，值得一試。


亮點係佢～居然一個人食左兩大碗呀，我半碗米線俾佢食晒，仲叫我追加…….結果最後唔係男人唔夠飽，係我……因為佢地既米線係偏軟同幼滑，好岩小朋友食，好少見佢會追加話食粉麵類架～！米線的辣度分大辣、中辣及小辣（十個level），我呢啲唔食辣同埋要遷就小朋友既當然係清湯底。


淨係一人一碗米線梗係唔夠啦，例牌我地都會點返杯飲到爽晒的凍飲再加多幾個小食同一個菜，咁就唔駛擔心同男人去食米線佢會唔夠飽～先來個惹味的紅油豬耳。


炸野幾時都係我至愛，呢個酥炸蝦餅真材實料，好好味！


香草雞中翼都係佢地既皇牌小食黎～半煎炸剛剛好，正！總結佢地既野真係好抵食，今時今日30蚊有找仲食到三餸米線去邊搵～


伴隨街坊16載的「裕一品四川雲南米線」除了定期推出多款$10小食外，更每天供應$20的下午茶 = 三餸麵+汽水，絕對稱得上是良心食店。

裕一品四川雲南米線 (Facebook Page)

總店：九龍長沙灣青山道267號地下 電話：2725 4732

【加盟店】

灣仔、西灣河、青衣、荃灣、屯門、葵涌（2017年1月尾開業）
1,179 total views, 1 views today