| f o o d | 手工啤酒的浪漫。串酒里KEBABEER

不知哪裡來的奢侈換來有一晚機會跟理性的人嘆個兩個世界的晚餐。那天將jen仔放在婆婆家後就去拍一個拖，重點一定不在乎吃什麼大餐，定必要去啤啤佢。而我的確一直很想試下淨食串燒配啤酒的港式風味，就選了酒鬼不陌生的山林道的小巷位置的【串酒里】。


名副其實串酒里就是食串燒、飲啤酒。有室內室外位置可選，大約可容納四十人，怕蚊又怕熱的我當然想舒舒服服在室內嘆啤酒，如果天氣稍涼坐室外一定好好feel喇。


店子雖小但一些小餐具亦不失特色，細心留意你會發現每隻碟都是不同花款的。


用餐時間為一個半小時，我們很快就選好了心水的串燒。其實環境都岩金小型wine tasting或者場派對。


來到這裡一定要飲他們的手工啤酒，當中有女士們一定喜歡帶有果香的啤酒。但實在太多令人眼花撩亂，結果還是叫店內的人員幫我選，他們幫我選了grapefruit那支，實在很對胃口，一支真的不夠，兩個人起碼飲三支。


串燒上得非常快（次序已經忘記）一上碟熱辣辣又香口的確好正，立馬相機食先就放入口了！其實他們的串燒比一般不同是因為用左火山石燒烤法，可以平均熱力將食物烤熟，除左可以鎖住肉汁，仲完全做到內脆外軟呀！

當中都有幾款必食推介俾大家！包括八吋既虎蝦～可以揀黑松露／芝士／蒜蓉，真心啖啖肉，一隻又點夠呢。


BB露筍煙肉卷。


燒金菇牛肉卷。


愛蠔人士必食之選！


串燒又點少得雞翼。


惹味燒魷魚鬍。


如果驚淨食串燒唔夠飽，可以追加個雙重芝士炸薯條，好大碟架！


仲有唔少丸類同蔬菜類可選，有啲特別的菜式例如棉花糖薄餅／避風塘燒原條茄子都好值得一試！以為食完串燒一定好口乾啦，又唔會喎！菜式全部都夠味不用點任何醬汁，以這裡的格局及餐牌上的食物，我個人覺得都好適合飯後去食宵夜啤啤佢的好選擇，如果當晚飯食就可以點多些肉類填飽個肚：)
串酒里 KEBABEER（2234 5001）

尖沙咀山林道6號B舖 (漢國中心對面)

Shop B, G/F, 6 Hillwood Road, Tsim Sha Tsui

353 total views, 118 views today