| b a b y | 去日本就是要瘋買BB野~隔空搖控購物記

jen仔是幸福的。家中每個人去到哪裡都會想起佢，現在大家去旅行問我要什麼手信，我都會答bb野….而臭b有一個熱愛日本的姨媽，順便就在上次姨媽去東京時一邊行一邊send photos 幫我買野俾佢…..結果…..


由於唔想麻煩姨媽拎太多太重（但結果都係好重）我已經好忍手咁買….去日本一定買麵包超人玩具啦，不過後來比較返，而家香港賣日本貨都賣得好鬼平，我去babychoice睇價錢都唔係差太多咋。本來仲有套鼓set……………………但太浮誇太重了….呢個琴仔係姨媽 買俾佢的生日禮物，我忍左三個月都未拆黎玩！一定要留返生日會之後再開黎玩啦！


呢份就買黎當我送俾佢既，以為實中意車仔呔盤啦，點知興趣不大………so sad


仲有屋企其實有無限多的餐具，但都要買一大set…..


最實際係呢個！而家出街都係用佢，richell飲管樽仔我都有在香港一田買，不過放在婆婆家備用，呢個好好啜唔會話一吸會吸到勁多水chok親。


仲有就係一連串的衫仔，個個都話hot biscuits好著又keep得好，咁咪買囉！點知原來咁貴……埋單先知頂帽要HKD三百蚊架，不過可以雙面用就當兩頂啦…..LOL 另外仲有買左件衫仔同褲仔，褲仔睇相時覺得可愛fake print，但買返黎又覺得其實淨色仲好睇，jen仔都唔係太襯勁colourful的衫褲鞋襪。


另外都執左幾件平野～全部都有著架，平得黎都係made in japan，總之就是全棉都質地特別好。


估唔到隔空買野都埋單幾千HKD…..如果我自己去，真係不得了。短期內都無得去旅行架喇，過多兩年要我掉低佢幾日去旅行應該都係唔捨得…..都係親子同遊啦！作為全職媽媽，我勁勁勁勁勁勁期待第時同其他媽媽級friend單拖帶埋b（不是b的階段）去旅行架，到時一定同大家多多分享親子遊記！

77 total views, 55 views today