唔敢稱得上攻略，不過我都幾欣賞自己今日單拖帶jen仔去媽媽咪咪嘉年華，唔算好即興但本來諗住就咁算數，留係屋企嘆冷氣好過，結果還是一個勇字執齊野帶埋bb車出發，要我星期六日去我實唔制，多人又迫大家都辛苦。最主要原因都係一個字 – 近。（如果會展，我唔會去。）第一次搭機場快線，真係好快。
原來即日來回搭機場快線，由青衣站出發來回合共只是$42，落博覽館後行十分鐘內到hall３，全程有蓋遮頭，帶bb車都ok～之前上網upload左jen仔張相，就順便去玩埋2016/17年度《好媽咪Baby-mo》「候選Cover Baby暨小B模試鏡大招募」。其實都只是隨便影幾張名，見排前兩個的b女好得意，我仔梗係例牌唔會笑兼且cool爆，純粹玩下。
仲有上星期預先報定名去「Bath 樂滿Fun Carnival Baby」影相（即場報名都可以，但估計週末會多人）呢張反而影得幾好，但無即影即有又無相底，好彩攝影師主動話我幫用手機影張合照 lol ~如果揀中左就會在七月份《好媽咪Baby-mo》雜誌登刊。影完相貼上facebook tag埋swimava有得抽獎，我就中左個中size水泡，今個summer 用得著！suitable til 18months
例牌又影張收穫相，圖中pampers兩包大碼梗係唔係免費啦！我即場訂夠$1200送多兩包full size…..不過要月底先送貨，贈品就要拎返屋企先，好在部bb車夠穩陣，應該放多兩包都唔會反車；另外仲有一入門口meadjohnson就送我一支藍色假玫瑰花，無人排隊meadjohnson所以我就臨走綁定埋wechat送支吞得的bb牙膏再玩埋個夾公仔機送左塊puzzle；經過AIA又送左兩支康乃馨，仲免費整左個baby樣的隨身鏡，但估計之後拎貨時agent會有排sell保險；經過babisil買左把食物剪刀，$28一把，買兩件有八折，三件就七五折，like左佢地facebook page就送個安撫奶嘴，jen仔唔食奶嘴的，所以我專登要個粉紅色；買左happybaby 乳略餅$220五包（因為某人扭計已經即場開左包黎食），送一樽puffs。
利申：我無刻意排除拎贈品，只是路過。
唔算多野買，不過勝在地方大，換片餵奶地方都方便，同埋星期五首輪係少啲人，我點半行到四點左右，走的時候開始有人潮排隊，其實美素佳兒個剪影相我都想影但懶，其他都無乜特別…雖然間中我會計埋啲師奶數，但一拖一真係無耐性再排隊…..識得行識得走的小朋友會比較合適黎玩，因為中間啲大型吹氣滑梯都幾開心咁；仲有啲bb比賽不過都懶得排隊玩（禮物好似係奶粉…）
最後重點：
黎緊七月份攪的動物農莊，我會去呀！單拖又得，一家三口都得，期待jen仔第一次接觸動物^0^
利申：今次堅係自費入場，唔算俾錢買難受，都係唔錯的經驗，無話值唔值，我住青衣所以覺得ok，如果住太遠又無乜主要目的黎玩或者買野又唔中意同人迫就要再諗諗，週末同母親節肯定多人喇…..但應該都無平時會展bb expo咁誇張。
放電數小時，總算順利回家，下次可以挑戰更遠路的地方嘿嘿嘿！
《媽媽咪咪嘉年華2016》
會場地點：亞洲國際博覽館（AsiaWorld-Expo）3號展館
日期：2016年5月6-8日（星期五至日）適用於其中任何一日
活動時間：星期五及六（11am-8pm）；星期日（10am-7pm）
552 total views, 552 views today
原來即日來回搭機場快線，由青衣站出發來回合共只是$42，落博覽館後行十分鐘內到hall３，全程有蓋遮頭，帶bb車都ok～之前上網upload左jen仔張相，就順便去玩埋2016/17年度《好媽咪Baby-mo》「候選Cover Baby暨小B模試鏡大招募」。其實都只是隨便影幾張名，見排前兩個的b女好得意，我仔梗係例牌唔會笑兼且cool爆，純粹玩下。
仲有上星期預先報定名去「Bath 樂滿Fun Carnival Baby」影相（即場報名都可以，但估計週末會多人）呢張反而影得幾好，但無即影即有又無相底，好彩攝影師主動話我幫用手機影張合照 lol ~如果揀中左就會在七月份《好媽咪Baby-mo》雜誌登刊。影完相貼上facebook tag埋swimava有得抽獎，我就中左個中size水泡，今個summer 用得著！suitable til 18months
例牌又影張收穫相，圖中pampers兩包大碼梗係唔係免費啦！我即場訂夠$1200送多兩包full size…..不過要月底先送貨，贈品就要拎返屋企先，好在部bb車夠穩陣，應該放多兩包都唔會反車；另外仲有一入門口meadjohnson就送我一支藍色假玫瑰花，無人排隊meadjohnson所以我就臨走綁定埋wechat送支吞得的bb牙膏再玩埋個夾公仔機送左塊puzzle；經過AIA又送左兩支康乃馨，仲免費整左個baby樣的隨身鏡，但估計之後拎貨時agent會有排sell保險；經過babisil買左把食物剪刀，$28一把，買兩件有八折，三件就七五折，like左佢地facebook page就送個安撫奶嘴，jen仔唔食奶嘴的，所以我專登要個粉紅色；買左happybaby 乳略餅$220五包（因為某人扭計已經即場開左包黎食），送一樽puffs。
利申：我無刻意排除拎贈品，只是路過。
唔算多野買，不過勝在地方大，換片餵奶地方都方便，同埋星期五首輪係少啲人，我點半行到四點左右，走的時候開始有人潮排隊，其實美素佳兒個剪影相我都想影但懶，其他都無乜特別…雖然間中我會計埋啲師奶數，但一拖一真係無耐性再排隊…..識得行識得走的小朋友會比較合適黎玩，因為中間啲大型吹氣滑梯都幾開心咁；仲有啲bb比賽不過都懶得排隊玩（禮物好似係奶粉…）
最後重點：
黎緊七月份攪的動物農莊，我會去呀！單拖又得，一家三口都得，期待jen仔第一次接觸動物^0^
利申：今次堅係自費入場，唔算俾錢買難受，都係唔錯的經驗，無話值唔值，我住青衣所以覺得ok，如果住太遠又無乜主要目的黎玩或者買野又唔中意同人迫就要再諗諗，週末同母親節肯定多人喇…..但應該都無平時會展bb expo咁誇張。
放電數小時，總算順利回家，下次可以挑戰更遠路的地方嘿嘿嘿！
《媽媽咪咪嘉年華2016》
會場地點：亞洲國際博覽館（AsiaWorld-Expo）3號展館
日期：2016年5月6-8日（星期五至日）適用於其中任何一日
活動時間：星期五及六（11am-8pm）；星期日（10am-7pm）
552 total views, 552 views today
請按此登錄後留言。未成為會員? 立即註冊