| l o v e | 中了孩子毒的媽媽 ● 寶寶100日啦~ 精選

雖然忙到抽晒筋，但還是很想很想保持至少一個月記錄一次仔仔的成長月記！因為知道自己唔會用紙筆寫低，又未必咁好心機日日開電腦個記事本黎寫，所以寫在blog留待日後回味就是最好的了：)時光飛逝這邊廂經痛過程漸漸失憶，那邊廂仔仔話咁快已經100日嚕，特意落樓下影輯證件相留念。


$50蚊12張 or $45蚊6張。BB要另加$50其實有點搵笨（同大人影有咩分別?）不過懶得帶仔仔山長水遠返影樓影少少錢就無所謂啦：) 可能平時習慣高抄影相，到影證件相時才驚覺仔仔的臉是如此圓潤，仲有姨媽在美國買的POLO（著兩次已經不合身嚕！）加分！平時人地成日話仔仔個樣成熟，不像BB，看到這證件相我覺得好BB啊XD 脹卜卜der～～沒攪百日宴，在家如常食飯，不過婆婆就首次俾仔仔lick下韭菜、牛肉、魚肉同蛋。（傳統？）仔仔lick完表示怪樣，哈哈拍低左片！有機會再同大家分享。我就訂左個蛋糕慶祝影下相咁啦：)


好多都鏡頭又笑笑口架！過相時先發現自己用左A mode黎影….應該是不小心扭到個掣，結果全部相都blur晒….欲哭無淚…..好在影左幾張即影即有！要認真考慮買多部靚少少的相機在屋企影相嚕。


重要一提，皮膚好返晒！唔駛用filter影相可以相機直出喇！之前反反覆覆間中會生粒粒，最初用金銀花水抹，不過有少少乾，之後改用金銀花藤水抹效果更好，皮膚靚晒個樣順眼好多。粒粒好返晒又到成日抓損自己塊面，日日新鮮日日有血痕，不過BB新陳代謝真係快到你唔信，成條血痕可以一日半左右已經好返晒！自從滿月之後就識得笑，而家間中都會笑到KAKA聲架！

記錄一下三個月的狀況方便自己日後睇返：

1. 明明上個月戒左夜奶，最近一星期飲返，晚晚凌晨迷迷糊糊飲多六安暈左即訓
2. 瘋狂食手指同紗巾，但未試過成個拳頭食
3. 示意抱抱時，會開始輪流放雙手一落我度。
4. 再沒有講「A」，但會好長氣咁講ee牙牙
5. 有次扭計時撞彩喊住叫「MAH AR~~~」XDDDDD
6. 而家對「un guk」無反應，聽到大家叫BB會望過去
7. 拍手講「好野」會好開心
8. 仍然愛樹熊抱
9. 自己雙手扶住奶樽（但唔夠力），飲完（飲唔晒）會推開個樽，飲到後段會塞埋自己對手落去咬住個奶樽咀
10. 中意我地捉住佢腋下而自己企（中意玩抱起佢飛高少少，會笑到KAKA聲）
11. 玩口水，有幾次成功整到口水波
12. 未反到身，但放床時會自己扭轉45度
13. 100DAYS  – 14.6磅。都幾重手，抱得耐都開始有點攰了….

手動轉身！頭仔已經可以抬得好穩好高啦，我私心中意佢著粉紅色，so sweet！頭髮無特別處理，訓醒就已經有晒造型咁…..手仔都開始脹脹der


最後，記錄返之前在facebook page貼過的相：)


謝謝你的出現，我才知道自己的母愛比預期氾濫多了……真的沒有不愛自己孩子的父母，是的！我中毒了。最近看到友人在社交網站分享的語錄，其中一句說得很對「只有你的童年才是屬於我的」，我明白仔大仔世界！所以我會好好好好好好好好好好好好好好珍惜這幾年，跟你瘋狂瘋狂瘋狂自拍，不停拍，每天拍！每天偷吻你，聞你的頸仔、腳仔、滿口水味的小手，這些都是幸福的味道！
276 total views, 276 views today