| b a b y | 活動分享 – Philips AVENT 準爸爸變身準媽媽?!

duckie-siuchi 於 20/10/2016 發表 收藏文章
而家單拖出街帶jen仔越黎越輕鬆啦,一星期都會出去三次左右^^講返之前八月單拖去了bb展一齊參與由Philips AVENT舉辦的【準爸爸變身準媽媽?!】活動,活動時佢就訓著左,醒左就勁精神周圍跑……(之前剷左頭髮好短啊,而家長返感覺比較斯文)


講返個活動先可惜係weekday進行理性的人要返工,否則一定捉埋佢黎啦!真係要俾佢知道懷陀十月好唔簡單,唔係淨係入院慘叫半天就生左出黎~睇住個肚越黎越大係好微妙同amazing,但其實當中真係有甜有苦架,其實文字都解釋唔到,要陀過先知道…..


當日活動仲邀請左陀緊bb的陳淇(分享文章的今天她已經生左啦~)同佢老公胡諾言做嘉賓同埋其他真實準爸爸準媽媽一齊「簡單」體驗下陀緊bb時的不便~每個爸爸都已經率先準備好個假肚,而各位準媽媽只係需要坐係度睇一班準爸爸表演。


首先要一班準爸爸試下自己由床訓低左起身~心水清陀過BB的妳一定知道初期還ok啦,到後期勁大個肚時真係要慢慢打側再落地架,又擔心平訓會壓住bb,側訓又要左右兩邊換位置,因為懷孕~令由最簡單的起身動作都變得困難,都未講最痛苦既尿頻,想訓一覺連續六小時真係無可能…..


之後就要一班準爸爸試下著鞋同綁鞋帶,呢樣又係mission impossible ….玩遊戲時的準爸爸綁到鞋帶,係因為佢地忘記左自己已經壓實個肚XDDDD ~ 正常係好難咁彎腰的,所以一般大肚婆只會著唔駛綁鞋帶既平底鞋或者波鞋,總之最緊要方便同穩陣啦!最後仲要一班爸爸們執地下的物件……如果一定要執,就只能慢慢打側伸直手去執,老人家話,大肚婆唔可以伸直舉手同埋蹲低架!


睇住一班準爸爸的狼狽覺得窩心又好笑,諗返起自己陀bb前中期時都算係輕巧紮紮跳型,到後期真係要托住個肚黎行…行路慢左、腳腫、人又腫,只想一足月就卸貨,不過幾辛苦都會過去的,jen仔出世一刻的感動,這份甜 – 我會牢記一輩子。

3 total views, 3 views today

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→