| b a b y | 原來這叫心肝掟 ♥ 寶寶四個月了!

來到每月一記！未生BB前的確我是好喜歡小朋友，沒想過生了之後母愛比想像中瘋狂………對的，心肝掟嘛！發仔瘟嘛！哪有不愛自己孩子的爸媽。雖然他還未懂得甜言蜜語，可單是我每次親餵或是每天看到睡得香甜的他就這樣一個小人仔在我身邊，心的確是完全溶化了…….真是令人無法抵檔的愛^_^


只要有他在身邊，你會覺得天塌下來也沒所謂；自己不打扮也沒所謂，別人閒言閒語也沒所謂，工作可以放下，社交生活可以沒有，酒肉飯局可免則免，總之什麼事情都可以扛下。前排由公公婆婆操刀剷左個頭，頭幾分鐘覺得剪頭髮都心痛架！（真係太瘋狂…）後尾睇睇下又幾可愛而且頭髮好快長就唔記得~


有人話仔仔剪左頭髮後似mini小知，暗啞底係好開心架！一日有九成時間都對住我，應該會越黎越似媽媽啦，諗住剪左光頭男仔左，點知全身藍色出街都有人話係女仔…….


記錄一下四個月的狀況方便自己日後睇返：

1. 晚晚都12點先訓，最早都要11:30pm；最good試過連訓九小時；多數訓六小時之後迷迷糊糊飲六安奶就訓多四個鐘
2. 每日有兩餐有米水開奶，婆婆話包寶唔熱氣
3. 現在每餐都是墊高枕頭我地扶住個樽自己訓低飲奶
4. 中意聽人講野
5. 午睡時間長左，好彩的話有時會超過兩小時
6. 繼續咬紗巾，食一隻手指、兩隻手指、三隻手指、四隻手指，就是不會食一隻拳頭
7. 有兩日成日整個下唇，好似扁嘴咁但其實只係玩嘴唇
8. 有幾日成日將上下唇都合埋，兩邊臉仔脹左咁，好似hamster塞左粒果子咁，好攪笑
9. 扭眼訓會搵媽媽
10. 未識爬，未轉身，一企同行就好開心
11. 同其他人對話時，佢會好似好專心咁聽人講野
12. 開始乜都放入口

髮型真的好重要啊^_^我還是私心的喜歡長頭髮的你，等頭仔再實淨少少會再剷青嚕^_^


607 total views, 607 views today