| b a b y |人生總要剷一次～jensonbb三分鐘變光頭仔快樂一記 精選

好多人話陀住BB時食芝麻糊，咁BB出世的頭髮就又濃又黑。so far我陀jen仔時只食過半碗仔，實在受不了那味道。結果jen仔出世時頭髮都算比一般多，唔算好粗，因為我的髮質都算係好幼，由出世到一歲，jen仔都修剪過五、六次頭髮了。中間半歲前剷過一次都長得幾快，呢排日日三十幾度，睇住佢開住冷氣都熱到係咁R頭就辛苦…所以就決定去剷光佢！


今次只是隨便落屋企樓下新開間salon（就係因為佢，無左間759 so sad…）真的好街坊啦，jen還著睡褲，次次經過見到小朋友剪髮有得坐車仔都覺得好開心咁，終於有機會試下！因為之前剪髮由婆婆公公操刀，佢地都試過用剷髮器，佢一聽到開機聲就喊定先…..所以落salon剷呢，一開始難免會有多少眼淚…..


出動左電子奶嘴同功勞最大的乳酪餅，心情都平伏返好多。剷完兩邊後，髮型師正準備幫佢修剪如圖，傳說中的靚仔頭。

此時我話：我地諗住剷晒架。


平時極少極少極少喊的jen仔，今天的眼淚應該是一星期的份量了。不過有餅食就完全控制到情況，愛吃的小孩真好。

來張Before & After ！當然，全程係無乜笑容既……返到屋企我都有在facebook 開心share ~

「以前好睇D呀！」

「點解要剷呀」

「好醜樣」………
雖然新頭不受好評。但在我眼裡，你_ _  _的。同埋，頭髮好快長返啦，剷一次實在不足掛齒。


最攪笑係第二日我即刻捉左佢去影證件相留念，由出世到而家影過六次，第一次影證件相笑呀！！！！！但竟然係光頭….咁等頭髮長返再影過啦：)
額頭位置一定係美人尖，除非唔係。

你話喇，對住佢，點捨得去返工。


1st Shave at 2016.6.20 ; Jensonbb Day 381

1,091 total views, 1,090 views today