| b a b y | 人地個前世情人 – 妹妹Ashley11個月啦!

duckie-siuchi 於 11/03/2019 發表 收藏文章
雖然姐姐返了菲律賓兩個星期假期,但因為中間婆婆來了好幾日幫手,所以生活同平時差唔多,趕上了節奏~上床時間早左,小朋友食野多左,便便靚左多左~令我覺得有必要今次在她回港後再調節一下,過往我實在給予太多自由開壞了個頭,向來孩子的事自問親力親為,無話無左邊個唔得,工人的事遲啲再講,分享返妹妹11個月成長記錄先!


一轉眼下個月就一歲!會不會太快了,當我還在想到底生日會要在哪天舉行之時,才醒起自己連一歲針的期都未約,呀…..生兩個就是忙,三月還好,因為天天都是上學天,哈哈!哥哥上學期間三小時如果妹妹有nap我就有丁點兒MEtime啦。還想安排家庭照,週末節目亦好豐富…….大個左可以跟埋我地四圍去啦!


相片都是照騙,其實妹妹並不常笑呀!通常較少見她的人每次見到都會問:她是否好眼訓呀?(幾乎每次都是剛剛睡醒)還好雙眼皮較深,希望長大後眼睛會看起來大一點,畢竟是女生嘛!而被問及妹妹好唔好湊呀?媽媽覺得還好啦,睡覺沒怎哭哭鬧鬧,因為紮醒就埋身的關係,不再像哥哥小時候半夜瘋狂沖奶粉已經很好了。只是這段時間有時因為要就妹妹都不能跟哥哥去太遠的地方,不過我相信會越來越好,很快很快,我們便可以跳出香港啦!


第二胎通常比較hea也說得對,因為還有大的要顧及感受~而哥哥雖然快要四歲但其實都仍是小朋友呀,怎可以要求他處處體諒,每件事都遷就妹妹!所以「妹妹還細,讓下佢啦」這句說話我沒有說過,反正通常是妹妹一見到哥哥在玩什麼就要什麼,如果哥哥唔俾,佢就大叫…….哈哈,通常心軟的是哥哥,我還未開口說一齊玩 or 哥哥玩緊架喎,哥哥已經俾妹妹了,好啦!妹妹的確有點小惡,但哥哥定必要暖男無誤,對小baby一定不出手,只是跟媽媽一樣比較愛哭哭。


記錄一下11個月的狀況:

  • 上下兩隻牙仔,無睇錯好似上排第5、6隻出緊
  • 會隻手拍打自己個頭
  • 雅培2號+下午及臨訓埋身+夜晚半夜紮醒就放題
  • nap2次(第一轉1pm-2pm開始訓,有時訓到1-1.5hours,第二轉7:30-8pm左右開始訓,訓半小時)
  • 好清楚見到爸爸講papa/食野mommom/喊住搵我會叫mom mom/見到哥哥的相會叫哥,開心時或hyper佢自己會講:wow~
  • 叫佢拍手佢會拍拍手,話洗手佢會做卒手動作
  • 食粥食爛飯中,我地進餐時乜都俾佢食,有幾日食得特別多魚,臉仔好似敏感,停食兩日好返晒
  • 訓覺一定搵媽媽,心情好時肯俾其他人抱,我話抱返,佢會痴住人地個膊頭(鄰居lisaee/婆婆/爸爸都試過)但通常要make sure我在視線範圍內輕鬆站起,有幾次其實無扶野自己企左起身都唔知,我wow佢佢就坐返低
  • 扶住邊邊行得幾快
  • 一有街出好開心踢晒腳
  • 坐bb車/highchair都唔定,會成個爬起身企係度
  • 換片都坐唔定,一定轉身,一早轉左著拉拉褲~
  • merries Msize,白pampersM size


四月妹妹生日~五月媽媽生日~六月哥哥生日,自己的蛋糕自己訂,妹妹的蛋糕媽媽訂,哥哥的蛋糕媽媽訂,款式都選好了!還有兩場生日會,看看如何啦,待續。

122 total views, 122 views today

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→