| b a b y | 人奶路不易走II – 泵媽的最佳隊友

duckie-siuchi 於 29/06/2018 發表 收藏文章
三年前我寫過這篇文章:| b a b y | 人奶路不易走(初) – 難離難捨的母乳。 想當年第一胎真的沒怎餵過人奶,到後期只是一天只得返一餐一安當snacks俾哥哥飲,到三個月就直接掛泵了。今次妹妹在「餵到就餵啦」的情況下,至今仍餵緊人奶~有全日人奶/間中補粉的日子,暫時最多補一餐奶粉就攪掂。


因為今胎有請陪月的關係,所以坐月期間除了夜間全埋身,我大部份的時間都是泵出黎讓陪月餵的。現在妹妹兩個半月了,奶量都開始穩定~大概只係80-110ml左右,因為我不是好勤力的關係,所以是供不應求的!雖然我明白泵只是數字遊戲,不過每當看到泵奶時的奶柱同奶陣的確有說不出的快感。


這數十多天,不管是埋身或者泵出來餵,誰沒有經歷過刺痛、誰沒有經歷過被咬損/因磨擦而損….最初的日子就連沐浴時被水射到都痛到咬牙切齒,陪伴著我們過每一天的包括隊友:奶泵、周公同蓮姐。


周公同蓮姐就唔多介紹喇,今次就特別講下奶泵。單泵同雙泵我都用過,最初用單泵是因為想空出一隻手玩下手機~但同時又會浪費左另一邊的人奶,後來先發現原來用雙泵先係最快最爽!每個媽媽泵奶都有自己的一套,我就習慣用刺激模式泵兩分鐘左右,其後就泵8分鐘左右,我自己唔算多奶,大概泵到5分鐘左右已經開始得返滴滴滴,同埋我用level I 黎泵就ok,用level II以上對我黎講已經好大力。


一日泵幾轉,每次大概整個程20分鐘內完成。腰骨力少啲都唔掂,用呢個雙泵泵奶時可放鬆地直坐,個身唔駛向前傾已經可以出到奶~ 而且個按摩墊質料好柔軟,唔會刮到唔舒服或者吸得唔實,當然都要用手按摩一下會更加多奶,雙泵就係快!


無論你係全埋身/全泵/半泵/全粉都不要緊,無需比較,無需受氣。作為媽媽的一定會希望給自己能力範圍最好的予仔女,無奶無須自責,在愉快心情下照顧寶寶他們會感受到呀,我們都是這樣長大的,加油媽媽,共勉之。看到妳肥肥白白健健康康同呢個雙下巴這份滿足感是沒法取替的~


22 total views, 15 views today

留言


請按此登錄後留言。未成為會員? 立即註冊
    快捷鍵:←
    快捷鍵:→