☆由細到大都用佢 -「和興白花油。新包裝「福仔 239」更可愛 ★【生日送禮最後召集】

老老實實,收到下面產品0既試用邀請果陣,真係 "O" 嘴,因為無諗過呢類產品都要搞試用,而且佢本身都多人識架啦,更重點係,點寫呀?

既然有人幫手拎,我最終都收左,因為由細到大,我真係無左佢唔得......講到咁誇張,係咩產品咁巴閉呀?

之唔係就係佢囉!


和興白花油福仔 239 禮品包 (價值HK$180),包括:
1) 福仔239 (清幽版和興白花油) 25毫升特別版, 10毫升, 5毫升, 2.5毫升各一枝
2) 和興白花膏 10克裝兩支
3) 和興蛇年紀念版環保小背包一個

老老實實,唔知係咪艾莉絲個人怪,定因為細個聞得多有情意結,堅係鍾意果d 中藥味、藥油味,鍾意程度係,真係會隨身袋支油黎聞。

和興白花油相信無人唔識,但一向畀人係阿婆香水0既感覺,自從有左福仔設計之後,成個品牌感覺年輕好多。我由全身福仔用到依家,今次呢個福仔239包裝,超級Q版 更可愛呢。


而呢個福仔239 (清幽版和興白花油) 25毫升特別版,真係令艾莉絲我不釋手,完全係裝飾品咁,大大支放0向屋企真係又可愛又靚!

另外3支,兩次畀屋企人用,最細果支當然放手袋拎出街啦。


清晰顯示有效日期,但其實往往未到期已經清哂。


成份全部都係天然野,不過小心樟腦唔能夠成日吸/搽,更喜歡(你估人人係你咩?)都要適可而止。


油仔細細,其實爆多功效,艾莉絲真係蚊叮蟲咬又搽,暈車浪、頭痛又搽、中暑又搽,周身酸痛又搽,鼻塞塞有搽,有時做做0下0野眼訓都搽。白花油對我而言,真係「聞一閒醒腦提神,索一索舒筋活胳」!

不得不提0既係,清幽版0既白花油,氣味無咁勁之餘,仲散得比較快,佢直頭係香水咁,有前中後調,前調最醒神,中調溫和,後調直頭係淡淡清香。

依家除左有白花油,仲有白花膏。

細細支扭蓋牙膏狀,超方便外攜。


同樣印有到期日,成分同白油一樣,同有列明比例。

擠出黎係淡黃透明gel 狀,完全唔會有油0既感覺。


功效唔及白花油多,但足夠應付正常需要,近來公司成日有野咬,都係靠佢止痕,一feel 皮膚敏感乾燥,又搽搽先,我懷疑支0野好快畀我用哂。

黎緊艾莉絲將去短遊數日,都一定會帶埋和興白花油同白花膏先安心。

和興白花油的網址: www.239.hk)

FACEBOOK: http://www.facebook.com/hoehinwhiteflower

銷售地點: 屈臣氏、萬寧及各大藥房等

生日送禮活動仲有6日就截喇,大家想參加就快手click 按下面連結睇有關詳情啦:

【送禮】Doctor Collection plus Tailor Made 面膜

希望大家喜歡艾莉絲的分享,你們每一個推 / LIKE ,都是很重要的鼓勵,艾莉絲一定會繼續努力分享好物 / 雷品給大家。

承接專業新娘化妝,姊妹/長輩化妝,宴會化妝,謝師宴,Pre-wedding 化妝等。歡迎其他類型化妝合作。 聯絡電郵: irisdare@gmail.comhttps://www.facebook.com/irisluvmakeup

如果喜歡我們的文章,請即分享到︰

標籤: 福仔  白花油  白花膏  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→