冇品facebook網店~慳媽放血區

（請原諒我借呢個平台鬧人，因為真係太嬲喇！！！！）
講真，真係未見過一間咁冇品嘅網店！

呢間網店自稱價錢平，話啲貨喺批發度攞喎！但係你有睇開佢個group嘅posts就知，佢哋幾個admin成日話有人甩單order咗唔要，點解？好簡單o者，貴囉！

早前喺呢個page度買咗本baby tooth book $115（第一次買野，亦都係最後一次），第二日就見到另一個page話賣$94（足足差咗$21 18%），近日仲見到佢又出post賣同一樣野，仲話出面賣緊$168，佢地係超平添！食水有幾深就唔知，不過格價嘅野唔係人人都會做，宣傳嘅野都可以理解。

上個星期見到佢出post賣avarcas嘅涼鞋，大人size好似幾平喎，順便問埋小朋友啦！佢覆我小朋友賣$449！！！官網賣$350！！！仲要香港免郵！！！其實賣得貴真係唔緊要囉，我post埋條link俾佢話佢貴過官網，佢冇覆我不特止，仲block我account！！！！！！！！

慳媽絕對需要放血，但係唔係咁樣俾人劏到一頸血，仲要得到咁嘅服務囉！佢哋呢班admin身為人母，做啲咁冇品嘅行為，我只希望佢地嘅小朋友唔好學成咁，因為品德係決定成功嘅重要因素。