吓？！拍拖唔係唔睇樣呀？ 精選 推薦

收到朋友電話，劈頭第一句：「嗚呀，我覺得自己好港女！」原來她今天和一位男網友第一次見面。
「之前傾計都覺得ok。但佢個樣……其實我唔係好高要求，普普通通就得架喇。」
「我一直鬧自己，你而家好靚咩，好叻咩，去嫌棄人地！但我對佢真係無乜feel。」
「我係咪好膚淺呀？以貌取人」

我一直笑笑笑。
然後超級認真地說：「唔係呀！咁拍拖有機會對成世架嘛。咁梗係要揀個自己鍾意。咁樣貌都可以係其中一個考慮。」

但她還是不斷責怪自己，為什麼會被外表影響。
於是我又一直笑笑笑笑。我這個朋友會不會太可愛了？

不知道甚麼時候開始，「拍拖睇樣」成了膚淺的意思。
我懷疑當中有陰謀，其實原句的意思該是「拍拖如果齋睇樣好膚淺」，究竟是誰將其變成了拍拖不可以睇樣，否則就是膚淺？

話說，我也曾陷入這樣的迷思。
遇過一些人，基本上條件不錯，但外貌實在不行（不行不一定代表醜樣，只是不令我心動或不合眼緣而已。各花入各眼，百貨應百客嘛。），我也曾質疑自己：「因為個樣而kick住左，係咪唔太應該？會唔會好衰？」後來實在沒有辦法欺騙自己，只得承認原來外貌於我來說也是很重要的擇偶條件。

很久以後，我忽然覺得忿忿不平。「奇怪！我可以因為一個人小家、蠢、橫蠢而不喜歡他，為什麼不可以因為外表不合適而不喜歡他？為什麼我要覺得愧疚？拍拖要成日對住，要kiss架喎！不喜歡怎麼可以？！外貌是超重要der！」

想通以後，我就心安理得了 ：)

其實每個人的擇偶條件都不一樣，沒有好與壞，最緊要清楚自己，知道自己的需要便足夠了。

我有朋友知道自己對物質相當有要求，她就找個有錢一點的。也沒有甚麼問題吧。
我是不知道為什麼那些說我揀男/女朋友唔睇錢、唔睇樣，只要佢心地好人品好就得的人會得到特別高的讚賞，先不理那是真的還是口up，我只是覺得憑什麼看重外表或想找個有能力照顧自己的人就比較inferior呢。
其實只係大家需求不同啫。
沒有誰比誰高尚。
這，原本就不是一樣可以比較的事情吧。