珍惜果個snapchat同你有心心既人 精選

我地個紅色心心又無咗啦，你究竟有無放過我係心上架！」
「一個心姐，遲d又會有番架啦。」
「你知唔知個紅色心心我草咗幾耐先有架，我又要唔send咁多snap俾其他人，又唔覆得人喎，仲要成日send d無聊野俾你先留得住個心，仲差幾日就「變粉紅色心心架啦，宜家無咗啦，你開心啦！」
「都係一個emoji姐，都唔知你咁緊張黎做咩。」
「你根本就唔明！算啦我唔想再理你呀」

如果你係時下較為年輕既一輩，應該都會有用到snapchat，而snapchat上既emoji亦都成為好多情侶鬧交既原因。Snapchat其實就好似whatsapp咁，只不過係d message變咗係相再加十幾個字咁，你一樣睇到人地睇咗有無覆，更加睇到你同佢既關係去到咩程度。事源就係因為佢會顯示一個emoji，說明你同果個人係咩既熟悉程度。
其實一個emoji究竟有咩咁大不了？岩岩識你果陣，咩都無，好期待收到你既每張snap，從你每一張相，知道你既日常生活，知道你開唔開心，知道你係出緊街定係屋企，知道你考緊試溫書溫到好攰，會好留意係你既mystory，一見到你upload新野就會禁入去，有時見到你mystory既野無個別send俾我，我會唔開心，見到你mystory出現其他異性朋友，我都會唔開心， 你既snapchat就好似牽著我既心情既。

有時心情唔好，會post歌詞上去mystory，然後隔一陣就會禁入去睇下你睇咗未，有時見你明明覆咗我但係仲未睇，又會諗你點解仲未睇，有時post咗同你有關既野，過一陣就好後悔，襯你未睇即刻走去delete。唔知由幾時開始，我期待電話彈出你send snapchat俾我既noticifaction，當我見到紅色空心箭咀，就知你又睇完我既snapchat唔覆我啦，又唔敢再send野俾你，驚你厭我煩，好彩，隔一陣你又會再send野俾我。
「喂！我地snapchat轉咗去黃色心心啦。」
「姐係咩意思呀？」
「姐係你係我bestfriend no.1，係我send得最多snap既人，然後我又係你既no.1喎，所以我地有個黃色心心emoji啦，如果keep到一個星期就會轉做紅色心心emoji，如果再keep到兩個月就會轉做粉紅色心心架啦！」
「咁我地keep住send，遲d咪有囉，傻妹。」

為咗個emoji，有時唔敢send咁多野俾其他人，有新既friend中意不停send野黎，覆又唔係，唔覆又唔係，然後亦都養成咗個習慣，就係咩鬼野都send俾你，行過見到d咩無聊野都send俾你，理得你唔覆都係要send，但係，有好多野都唔係靠一個人既維持，同感情一樣，單方面既付出係無用既，好多時候你都係隔好耐先覆一次，什至有時直頭唔覆，我又有同其他friemd用snapchat，真係會擔心個心心就咁無咗，所以我愈黎愈少覆人地既snapchat，或者會用message既形式覆，姐係會出藍色箭咀果個，雖然我好努力去keep個心，但最後，都係係變成粉紅色心心前無咗。
「咦！點解我地個心心無咗既？」
「仲好講，肯定係你同人地send得多，又覆得我少，咪無咗囉。」
「呢d野咗呢咁在乎做咩喎，唔緊要啦，浮雲黎既姐。」
「。。。。。。」

其實我都覺得我咁辛苦去keep個emoji好白痴，但係有時在乎一個人就係咁白痴，我想成為你既第一位，然後你都係我既第一位。

「喂，我同你就黎連續send咗snapchat 100日啦，呢度有顯示我地個snapstreak架。」

今次唔好又唔見啦好無，我想有200日，300日，最好一直咁send落去。