花花牆下的生日飯 @Vision 8

作為新界西人，夜晚放左工都已經好累，但又好想和朋友來個飯聚，我就多數建議在新界區食。而我的好姊妹真係知我心意，今個月我生日，就帶我來荃灣千色店附近的Vision 8 食西餐了。

Vision 8 地方不大，但店舖的裝修和昏暗的燈光，營造了浪漫的情調，環境旺中帶靜，很適合三五知己或者情侶共晉晚餐。

剛巧我坐的位置上面，有一塊很大的花牆，在花牆下狂影 selfie 亦都樂趣無窮。


朋友們在等我過來之前，已經預先幫我發版，這份炸薯條配黑松露醬，炸得脆卜卜的粗薯條，已經是我的至愛，點上香濃撲鼻的黑松露醬，感覺已經變得高了幾級。


餐包上來的時候還是暖暖的，口感鬆軟。

蕃茄湯味道酸酸甜甜，感覺都幾開胃，又加了幾粒香口的烘麵包粒，微濕的麵包粒軟淋淋，都幾好味。


香煎蟹餅伴沙律配油醋汁，如絲一樣的沙律菜舖在蟹餅上，以油醋汁圈圈圍住，賣相都幾精緻。


蟹餅的炸粉都幾薄脆，而蟹肉絲條條幼細又帶鮮甜味道，配以沙律菜，難得一點都沒有油炸的肥膩感。

西班牙海鮮飯 (2人份)，以一個熱辣辣的大鐵鑊盛載著，橙色的飯粒上面，舖滿許多大蝦、青口、蜆、仲有紅紅的車厘茄做裝飾，成塊巨型海鮮 pizza 咁，應該話好似海鮮生日蛋糕，因為呢餐係我的生日飯，看起來很豐富的樣子，未食已經覺得好開心。


海鮮飯的份量真係好多，我們三個人岩岩好食得晒，之後再食唔落甜品了。海鮮飯的口感略為濕潤，又有少少蕃茄的酸味，加上粒粒青椒的咬感，讓整體味覺更豐富。但同我之前食過的西班牙海鮮飯比，今次我覺得飯的味道不夠香辣。


呢餐也實在食得太飽，飲品我還是簡簡單單，叫了熱檸檬茶，這裡熱飲的份量比外面餐廳的大杯，真的太好了。

P.S. 呢晚正值農曆七月十四，所以門口對出有紙紥舖燒街衣，見到對面有好多支紅色蠟燭，真係好似順手同我慶生咁 XDD。幾位朋友明知今個月咁猛鬼，都黎請我食飯幫我慶祝生日，真係友情無價，多謝晒！

Vision 8
荃灣兆和街34號榮安樓地舖

Tel: 2612 1013

營業時間：星期一至日 11:00-23:00

Openrice 食評：click here

Facebook

Bel Bel Loves Sharing


Instagram


Openrice食評


這裡有我 Bel Bel 的生活和好物分享~ 歡迎各位來探我喔~

♥ Facebook Fan Page | Instagram | Google+ | Openrice ♥

E-mail ♥ bforbel@gmail.com