長假期的第一天，我們 6 個愛吃的女生，來到上環的 La Postre 食 tea。這裡的環境都算寬敞，而且採光相當充足，感覺幾舒適。
周圍的佈置都幾別緻的，牆壁掛滿復古風的圖畫，梳化上擺了幾隻得意小豬和玻璃瓶，又為餐廳的一角帶來少女可愛感。
有朋友叫了 set lunch，她把她不喝的羅宋湯讓給我喝。跟湯的是蕃茄多士，雖然不太吃得出蕃茄味，但相當香脆，而羅宋湯的材料都相當豐富哦，有粒粒浸軟了的牛肉、雜菜、蕃茄、紅蘿蔔、薯仔等，湯底充滿蕃茄味之中亦帶點胡椒香，味道不錯。
由於我看中了不在 set lunch 餐單的食物（點 Set Lunch 再加 $15 可享雜果莫希托），所以我單點了士多啤梨莫希托 Strawberry Mojito, 大大瓶高身的瓶子，裡面多款水果，除了士多啤梨，亦有青蘋果、紅蘋果等，就由一支長長的叉拮嚟食，飲品的味道首先像青檸味有汽梳打 （居然係青檸味無誤），再飲下去卻有水果的甜味，味道相當有層次感。而家天氣咁悶熱，飲呢瓶凍凍地的飲品，可以一掃翳焗感啦～
芝士龍蝦忌廉飯。飯粒都幾 creamy, 似是微甜的南瓜加芝士的味道，然而半隻大龍蝦，份量都幾多，肉質煙靭爽口，龍蝦上粒粒鹹香的蝦子，仲有香草在吊味，撈埋飯一齊食，又可以令口感添多元化，而且無咁滯呢。
什果麻糬窩夫，窩夫外脆內軟，夾雜了一層會拉絲的麻糬後，更覺得煙靭無比。此外，窩夫上的雲呢嗱雪糕球、士多啤梨、香橙片、藍莓、桑子、蜜桃、無花果等，砌出一幅生氣盎然的花朶，賣相相當吸引。窩夫和水果一起吃，味道甜得來相當清新，而和雲呢嗱有冰甜的感覺。窩夫亦可以點蜜糖，感受到黏黏的甜味。
另一款甜品叫 Sexy Six，共有六款不同味道，都裝住窄窄長長的杯子裡，有綠茶、士多啤梨、香橙、Oreo、蜜桃和藍莓等，並夾雜忌廉、啫喱或慕絲等。
我們一人吃一支，而我選了綠茶那支，上面是粒粒軟香的綠茶蛋糕，被下面的軟綿綿的綠茶慕絲墊住，味道本來是低調的茶香，而吃到最底有甜甜的忌廉，多重口感得來又好味道。
不經不覺，坐在一起邊吃邊聊天差不多一個下午，而且環境都算寧靜，期間亦沒有人催我們埋單，感覺都幾輕鬆寫意。
La Postre (上環永樂街店)
上環永樂街50號昌盛大廈3樓
Tel: 2668 5802
營業時間：星期一至日 12:00-23:00
Openrice 食評：click here
Bel Bel Loves Sharing
Openrice食評
這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ | Openrice ♥
E-mail ♥ bforbel@gmail.com
請按此登錄後留言。未成為會員? 立即註冊