尖沙咀尋東京抹茶味 @Via Tokyo

Via Tokyo 雖然在尖沙咀開了分店多時，但仍然在 Instagram 看見其外表吸引的抹茶蛋糕，攪到我心思思又想去食下。加上不久前去了京都，那裡的抹茶蛋糕實在太好味，於是趁週末得閒便來尖沙咀 Via Tokyo 再尋抹茶味。

尖沙咀的分店比銅鑼灣店大一點，本身舖位不大，但都幾有日式空間感，光線充足明亮，感覺不會很狹窄，座位都幾舒適，而店內的擺設更帶來更多日本味道。另外不時聽到店員用正宗的日語招呼及多謝客人，再令我有種置身於日本的感覺。


這日我約 1 點半便來了這裡，menu 裡清一色都是蛋糕、雪糕等甜品，今次便一於把甜品當午餐吧~


蕨餅抹茶雪糕，抹茶軟雪糕香濃甘澀，好綿滑，而且連同軟淋淋的紅豆一起入口，又可令抺茶甘澀味加多點甜。還有沾滿抺茶粉的蕨餅，類似糯米糍好煙靭，好味道。我個人對白玉還是一般，咬下去是有點粉糯，和蕨餅的口感形成強烈的對比。然而，雪糕都頗快溶掉，所以還是先吃這個，然後才吃其他甜品。

雖然眼前呢個宇治抹茶芝士蛋糕，都係食唔番當時在京都吃到的味道，不過件蛋糕做得好挺身，而質感都幾軟綿綿，芝士令抹茶香減少苦澀，而抹茶亦令芝士無咁膩，而是保留抹茶的甘香及芝士的細滑，可謂雙劍合壁，令彼此的優點加分！


而呢杯焙茶拿鐵，更是令我驚喜，入口既帶點綿滑的奶香，又有一點類似鐵觀音味道的茶香，跟抹茶 Latte 是截然不同的味道，但同樣的都很令我回味。


只不過獨食易肥，亦相當飽滯，下次還是和朋友一齊 share 好了。
Via Tokyo 尖沙咀店

尖沙咀金馬倫道 29 號 A 地舖

Tel: 2385 6388

營業時間：星期日至四: 12:00-23:00；星期五及六: 12:00-23:30

Openrice 食評：click here

Facebook

Bel Bel Loves Sharing


Instagram


Openrice食評


這裡有我 Bel Bel 的生活和好物分享~ 歡迎各位來探我喔~

♥ Facebook Fan Page | Instagram | Google+ | Openrice ♥

E-mail ♥ bforbel@gmail.com