刺身十分肥美, 甚有水準的日本菜小店 @大盛屋日本料理

Bel Bel 於 19/04/2015 發表 收藏文章
呢晚和朋友慶生,今次係她提議去大盛屋食生日飯,於是我們一行三人,便來到這裡食晚飯了。

我去到既時候已經 7 點半,餐廳細細地,不過都好 full 啊,好彩朋友有 book 位咋。可能係年近歲晚,好多人都來這裡食團年飯吧。

兒童餐
壽星女首先叫了兒童餐,最特別既係有個可愛既熊貓頭飯團,而呢個飯團率先俾壽星女食左啦,她話裡面有肉鬆,好好味喎。
甜蝦壽司
大大隻甜蝦味道相當鮮美,壽司飯軟硬適中。

蟹殼卷
初頭仲以為係好似紫菜包住飯和蟹殼咁既款,但上碟個陣至發現,外表好似加州卷咁樣,咁樣仲好啦,可以同朋友一齊 share。蟹殼脆卜卜得黎都容易咬爛,仲有面頭那層蟹子,食落去颷颷聲,都唔錯啊。

玉子壽司
上面那塊玉子,挺身得來,食落覺得暖暖地,入口卻軟得有即溶的感覺,還有少少烘過的沙律醬的微酸味,突出了玉子的甜味。

刺身拼盤
刺身十分厚切肥美、有三文魚、帶子、八爪魚、甜蝦、海膽、仲有我唔知乜名的魚類刺身... 海膽還可以用附上的紫菜包住食,八爪魚、帶子和甜蝦等味道十分鮮甜。

牛油雜菇
雜菇用牛油和黑椒炒過,感覺十分香滑又惹味,而菇都沒有煮得過稔,都幾好味。

老闆娘和侍應都相當友善的,尤其係當晚有朋友問附近某甜品店點去,老闆娘教了我們點樣行,真係好人。

今餐埋單好似係 400 零蚊,以食物的質素,我覺得好值啊。我們幾個都話遲下再來!

這裡有我 Bel Bel 的生活和好物分享~ 歡迎各位來探我喔~
♥ Facebook Fan Page | Instagram | Google+ ♥
E-mail ♥ bforbel@gmail.com

留言


請按此登錄後留言。未成為會員? 立即註冊
    快捷鍵:←
    快捷鍵:→