不只是咖喱的印度餐廳 @羅勒印度餐廳 Tulsi Indian Restaurant 精選 推薦

以前想食印度菜，只係識得去重慶大廈，不過去了幾次，卻覺得無晒新鮮感。不過，只要上下網 search 下，就不難發掘到其他好去處。今次我和朋友來到北角的羅勒印度餐廳，試試呢度的泰國菜了。


這裡的侍應，只有一個是香港人，其餘的都是印度人，所以落單不是手指指，就要講英文了。

這裡的 menu 相當多，初時有點不知如何選擇。熱情的侍應，首先問我需不需要叫飲品。因為我不喝奶，所以他介紹沙冰給我。

於是我叫了這杯芒果沙冰，係侍應極力推介俾我架，沙冰上面插住一塊麥片，咬感都幾脆卜卜。沙冰的質感
很綿很幼細很滑，入口即溶。而且仲有小甜，普通甜俾我揀，我揀左小甜，少許芒果甜都幾好味架！

然後來一碟香噴噴，又熱騰騰的羊肉通心燒卷，少許香辣味直摸我的嗅覺。燒卷的口感好像免治肉一樣，軟淋得來又有彈性，難得的是羊肉混入了香料後，是完全吃不出任何酥味，而是感到有少許香辣的刺激。不過，餐廳也細心地配上微酸微甜的秘製薄荷醬，只要點了薄荷醬，便可中和羊肉卷的辣味，令不嗜辣的朋友更容易入口。


黑松露烤餅，烤餅質感都幾煙靭，很有嚼勁，亦沒有太油，黑松露香醇的味道，跟烤餅的清香很夾，很好吃。

呢碗茄汁咖喱雜菜，我真沒有揀錯。有濃濃的咖喱香，又帶點點蕃茄的甜，蕃茄咖喱汁很 creamy，但一點也不覺得辣，很容易入口，用來沾烤餅，格外滋味！雜菜的用料尚算豐富，有多多粟米粒和青豆， 仲有少少薯仔和白西蘭花，都幾好味！

最後送上好迷你既凍蘋果餡餅做甜品，好特別既係用左半圓印度麥片裝住，中間有一球雲呢嗱軟雪糕，及去左核的青提子，食到底有清甜既蘋果粒，細細粒，一啖就食晒啦！
今餐是散叫的，二個人的消費約 $230，價錢真的不貴，而且今餐令我打破了印度菜只有咖喱和辣的定律，感覺相當不錯！

羅勒印度餐廳 Tulsi Indian Restaurant

北角七姊妹道 7 號昌輝閣地舖
電話：2568 3806營業時間：星期一至日 11:30 - 23:00

Openrice 食評：
http://www.openrice.com/zh/hongkong/restaurant/115381

這裡有我 Bel Bel 的生活和好物分享~ 歡迎各位來探我喔~
Facebook Fan Page | 微博 | Instagram | Google+
E-mail bforbel@gmail.com