【仲要俾錢買!?】NEUXXXXXNA面膜機大踼爆

Beauty Secret 於 27/04/2017 發表 收藏文章


久唔久就會出現爆紅嘅美容產品,而最近就見到其他beauty blogger同forum都熱烈討論緊呢部NEUXXXXXNA面膜機,仲搞到好多地方賣斷市添!雖然關公做得好足,但當然我唔會收到sponsor喇,唯有自己買嚟試吓!(˶‾᷄ ⁻̫ ‾᷅˵)


好想同各位姊妹先討論一下,紅外線同紅光究竟係咪真係對皮膚好㗎先?!其實法國、瑞士、意大利等醫療美容診所喺好多年前已經有推出專業嘅紅光面膜機,而且仲有晒美國FDA認證同產品質量安全性嘅認證,有助改善皮膚發炎、色斑同膚色不均嘅問題,仲可以防止肌膚老化添!


(´・Д・)」開始試用之前想講多句,原來NEUXXXXXNA面膜機係made in 中國汕頭…∑(゚Д゚)




本身面部有啲暗粒,而且膚色亦唔係好均勻,希望用完會有改善喇!照嘅時候其他冇乜感覺,日日用但暫時已經用咗XX日,好失望,因為唔多覺有咩效果,無論暗粒、膚色、毛孔都冇分別,見到佢寫96%女性見證膚色得到改善,我唔會就係個4%掛…不過算喇,預咗家用版多數都係效果一般…(。 ́︿ ̀。) 何況望清楚,發現原來NEUXXXXXNA只係表示經過皮膚科專家測試同科學實證,根本冇實際嘅認證嘅… (-。-;


價錢方面,原來NEUXXXXXNA面罩同控制器竟然係要分開買,面罩係HKD$549,控制器就HKD$249,仲要只用得30次!咁咪每個月都要畀HKD$249囉?!仲未計要用埋佢嗰個系列嘅護膚品先得,枝枝都百幾蚊㗎喎,如果真係有用就話啫…可能本身對呢個品牌嘅護膚品真係冇乜興趣喇…(´∀`; )


唔好問我點解用咗二十幾日都仲有28次,因為親愛嘅母親大人拎左嚟一齊用,結果我就要喺一個月內買第二個控制器(╥﹏╥)

不過,大家唔使再俾錢買控制器喇!
因為外國同內地已經有破解方法,一部機唔再係用得30次,而係無限次!
只要你身邊有個男人就已經得喇,因為我諗姊妹們應該唔會識整(⊙v⊙)


破解教學–中文文字:http://www.moonbbs.com/thread-2251923-1-1.html
破解教學–英文影片:https://www.youtube.com/watch?v=50-48o-jGKM


你睇到呢度嘅時候,希望你唔會好似我咁已經買咗第二個控制器;
如果你根本未買呢部機,咁不如直接去用啲專業嘅紅外線面膜機好過喇…╮(╯▽╰)╭

如果喜歡我們的文章,請即分享到︰

標籤: Beauty  面膜  實試  大踢爆  破解  美容  

留言

會員
我要評論
請按此登錄後留言。未成為會員? 立即註冊
  • cacao
    cacao 於 28/04/2017 評論 NO. 1

    我都有用呀!!唔work囉!!

快捷鍵:←
快捷鍵:→