我一路都好懷疑我女朋友係有強迫症。Samantha對於Excel表格嘅熱愛，係已經去到走 火 入 魔嘅地步。不論係工作定私人嘢， 總之但凡牽涉數字呀、資料、日期之類，佢都可以設計個表出嚟歸類整理，一目了然。
我其實係好佩服佢嘅行動力。但如果你係俾個咁嘅女朋友管住，應該唔會覺得好happy。
話說有一日，我喺Facebook見到中學嘅女朋友要結婚，一時口痕話咗俾Samantha知，佢即時好大反應，話無聽過我提起呢個前度：
「唔啱數喎，你淨係話中三有個女朋友拍咗兩年，唔係中七喎。」
「呀係，都係公開考試所以我一時記錯，係呀咪就係會考分手嗰個囉。」
聽完我咁講，Samantha一臉狐疑，完全無諗住要信我。佢隨手拎起紙，畫咗個2×5嘅表，跟住叫我將過往所有女朋友嘅名都列晒出嚟。佢話「五級制」係佢大學好流行用嚟表示二人親密關係嘅分類。至於兩個欄係乜，佢話係因為我大學去過美國exchange一年，所以要分開香港人同鬼妹。
嘩，簡直係世界級呀！我大概花咗半分鐘嚟O咀， 跟住用咗足足十分鐘時間填好晒啲格仔。
之後成晚，Samantha逐個逐個人名質問我，每個女仔係幾時識、做過乜、一齊咗幾耐、有幾鍾意……審訊進行到三點鐘左右，我真是頂唔蒲了，提議不如先休庭，明日續審。
第二日食完晏返到公司，收到Samantha嘅訊息叫我check email。我打開一睇，終於明白咩叫做神作。尋晚個表，以電子方式（又係Excel）重現，今次仲加入好多唔同嘅花臣。
括號入面打分表示有幾鍾意；散餐用灰色字；仲有聯絡嘅標黃色……
咩話？多到完全記唔到……呢份嘢，仲難答過試卷呀。不過我未敢怠慢，OT咗成粒鐘完成呢個考試。
但之後Samantha嘅要求越嚟越層出不窮。呢兩個禮拜，無論我點填個表，佢都會諗到新嘢，彈返轉頭叫我再填。佢話，flirt過嘅都要計，當level 0；互摷又要分成4A同4B，即係隔住衫同無隔住衫……
每一晚嘅睡前節目，就係問答環節，講返嗰日新加嘅問題，或者解釋點解今日嘅答案同尋日有出入。
「有咩可能會上過床都唔記得人哋叫咩名呀？仲有，如果KKK有九分，咁我有幾多分？」
喂，搞移民去瓦努亞圖都無咁複雜啦。最後，張表俾Samantha改成咁：
佢話，字體放到20點咁大係要提醒我有幾咁衰仔喎……
今晚係25號，即係我同Samantha嘅每月拍拖紀念日，但我無搵佢，反而一個人去咗公司附近間酒吧飲嘢。坐低無耐，有個短頭髮，著住黑色西褲加高跟鞋嘅女仔，坐咗埋嚟吧台：
「好少人會飲呢隻rose酒架喎，bartender話咁耐以嚟得我一個人點過，你係第二個。呀係，我叫Charlie呀。」
「我叫Elvis。介紹返，小弟月入三萬頭，有架二手豐田，不過無樓渣手。仲有，呢張係我以前所有女朋友嘅親密關係同國籍分佈圖，係我女朋友嘅傑作。如果你覺得接受唔到，恐怕呢杯會係我最後請你嘅一杯酒。」我俾咗手機入面張截圖佢睇。
「我根本唔介意你之前有過幾多個女人。最重要係，I am your present. 」我睇住Charlie入咗佢嘅電話號碼落我部手機，跟住遞俾返我。
女人話唔介意，你懂的。不過我決定今晚返去溫多次書，好好記返嗰十段故事嘅情節，然後聽日約Charlie嚟飲埋呢支rose。
呀仲有，張表要加返第十一個前度 —— Samantha入去先得。
************************************
網絡作家B612 – Facebook專頁： b612lpp
（鍾意睇嘅請你去俾個like，支持吓我繼續寫嘢吖！:)）
「倘若有一個人對一朵花情有獨鍾，而那朵花在浩瀚的星河中，僅此一朵。那麼，他只要仰望繁星點點，就心滿意足了。於是他喃喃自語：『我的花就在星河的某個角落』可是，這花一旦被羊吃掉了，瞬間，所有星星也將隨之黯淡無光。那你也認為這不重要嗎？」
我其實係好佩服佢嘅行動力。但如果你係俾個咁嘅女朋友管住，應該唔會覺得好happy。
話說有一日，我喺Facebook見到中學嘅女朋友要結婚，一時口痕話咗俾Samantha知，佢即時好大反應，話無聽過我提起呢個前度：
「唔啱數喎，你淨係話中三有個女朋友拍咗兩年，唔係中七喎。」
「呀係，都係公開考試所以我一時記錯，係呀咪就係會考分手嗰個囉。」
聽完我咁講，Samantha一臉狐疑，完全無諗住要信我。佢隨手拎起紙，畫咗個2×5嘅表，跟住叫我將過往所有女朋友嘅名都列晒出嚟。佢話「五級制」係佢大學好流行用嚟表示二人親密關係嘅分類。至於兩個欄係乜，佢話係因為我大學去過美國exchange一年，所以要分開香港人同鬼妹。
嘩，簡直係世界級呀！我大概花咗半分鐘嚟O咀， 跟住用咗足足十分鐘時間填好晒啲格仔。
之後成晚，Samantha逐個逐個人名質問我，每個女仔係幾時識、做過乜、一齊咗幾耐、有幾鍾意……審訊進行到三點鐘左右，我真是頂唔蒲了，提議不如先休庭，明日續審。
第二日食完晏返到公司，收到Samantha嘅訊息叫我check email。我打開一睇，終於明白咩叫做神作。尋晚個表，以電子方式（又係Excel）重現，今次仲加入好多唔同嘅花臣。
括號入面打分表示有幾鍾意；散餐用灰色字；仲有聯絡嘅標黃色……
咩話？多到完全記唔到……呢份嘢，仲難答過試卷呀。不過我未敢怠慢，OT咗成粒鐘完成呢個考試。
但之後Samantha嘅要求越嚟越層出不窮。呢兩個禮拜，無論我點填個表，佢都會諗到新嘢，彈返轉頭叫我再填。佢話，flirt過嘅都要計，當level 0；互摷又要分成4A同4B，即係隔住衫同無隔住衫……
每一晚嘅睡前節目，就係問答環節，講返嗰日新加嘅問題，或者解釋點解今日嘅答案同尋日有出入。
「有咩可能會上過床都唔記得人哋叫咩名呀？仲有，如果KKK有九分，咁我有幾多分？」
喂，搞移民去瓦努亞圖都無咁複雜啦。最後，張表俾Samantha改成咁：
佢話，字體放到20點咁大係要提醒我有幾咁衰仔喎……
今晚係25號，即係我同Samantha嘅每月拍拖紀念日，但我無搵佢，反而一個人去咗公司附近間酒吧飲嘢。坐低無耐，有個短頭髮，著住黑色西褲加高跟鞋嘅女仔，坐咗埋嚟吧台：
「好少人會飲呢隻rose酒架喎，bartender話咁耐以嚟得我一個人點過，你係第二個。呀係，我叫Charlie呀。」
「我叫Elvis。介紹返，小弟月入三萬頭，有架二手豐田，不過無樓渣手。仲有，呢張係我以前所有女朋友嘅親密關係同國籍分佈圖，係我女朋友嘅傑作。如果你覺得接受唔到，恐怕呢杯會係我最後請你嘅一杯酒。」我俾咗手機入面張截圖佢睇。
「我根本唔介意你之前有過幾多個女人。最重要係，I am your present. 」我睇住Charlie入咗佢嘅電話號碼落我部手機，跟住遞俾返我。
女人話唔介意，你懂的。不過我決定今晚返去溫多次書，好好記返嗰十段故事嘅情節，然後聽日約Charlie嚟飲埋呢支rose。
呀仲有，張表要加返第十一個前度 —— Samantha入去先得。
************************************
網絡作家B612 – Facebook專頁： b612lpp
（鍾意睇嘅請你去俾個like，支持吓我繼續寫嘢吖！:)）
「倘若有一個人對一朵花情有獨鍾，而那朵花在浩瀚的星河中，僅此一朵。那麼，他只要仰望繁星點點，就心滿意足了。於是他喃喃自語：『我的花就在星河的某個角落』可是，這花一旦被羊吃掉了，瞬間，所有星星也將隨之黯淡無光。那你也認為這不重要嗎？」
請按此登錄後留言。未成為會員? 立即註冊