【保養】想美白又怕會敏感 ◕‿◕ 肌美精低敏高效/透亮保濕面膜 ♪ﾟ

面膜我想每一個女生家中必備之物
係我自己既櫃入面起碼有超過30塊面膜或以上
但係知道做左媽媽真係未必咁多時間去敷
敷親都係急救成份為主要,
不過PQ 開始大個仔,生活作時穩定左
而我亦開始做番適當既護膚時間

而最近我就試緊呢一款來自日本品牌肌美精
肌美精之前小妹都曾經分享過它家既產品
不過都係久遠的歷史,不過要講既係佢地既產品係價廉物美
就好似今次要講既專為敏感肌而設既面膜
分別就有低敏高效保濕面膜&低敏透亮保濕面膜
各盒$68/4片


首先要分享就有呢個低敏高效保濕面膜
夏天都需要保濕,長時期開住冷氣好易抽乾肌膚既水份
就睇下呢個保濕效果係點架先


低敏高效保濕面膜 主要功效有:修復肌理：含專利海洋性胎盤®，
重整肌膚紓緩泛紅、肌膚回復健康；
25ML 弱酸性保濕精華液：
植物性保濕成分及透明質酸，
深入補水，改善敏感肌缺水問題；
採用窩夫狀纖維布膜紙，將大量美容液壓入肌膚底層，
鎖水度大大提升；
最重要係佢地既面膜都不含七大無添加,
包括有無香料、無色素、無礦物油、無矽、
無對羥基苯甲酸、無界面活性劑、無油精，
比一般低敏護膚品排除更多高危致敏成分，
咁即使敏感肌既朋友仔都可以用得安心又放心啦

面膜亦比起平時我用開既面膜更大塊,
可以完全Cover 曬我既面部仲有多剩既位置
就唔會話某些部位敷唔到,
面膜係以窩夫狀纖維布膜紙,唔會太厚重
薄薄的一層,最重要係唔會跌....
你知我敷面膜都爭取時間去做其他野e.g.打機,打文,睇劇都唔影響我既運作


敷左大約15mins 左右就可以撕下面膜
可能呢個高效保濕面膜實在太保濕
定唔知係我個陣要去角質呢?
我覺得佢對我黎講有些少淋左d但係對於乾性肌既朋友就絕對好岩洗啦
因為佢既保濕同滋潤度係極高既


如果你同我一樣係混合性偏乾,
而又好怕搽/敷好淋痴痴既產品?
唔緊要仲有呢一款產品都岩你同我既呢個就係低敏透亮保濕面膜


好少低敏性產品上可以有少許美白成份,
而今次介紹既就係為肌膚亮白同時補濕
而當中既成份有:
植物箤取亮白成分：天然薏仁、大豆籽精華，透亮嫩滑，去黃補水；
22ML 弱酸性保濕精華液：植物性保濕成分，
深入補水，改善敏感肌缺水問題；同樣都係不含七大既無添加成份,大家都可以安心使用


我直接Skip 左敷Mask 呢個部份啦...因為敷得有d肉酸,不過好明顯係今次呢個滋潤度
冇低敏高效保濕面膜咁高,
但係佢保濕度依然好強~起碼我敷完再打多陣機都唔覺得乾
重點係肌膚好似d韓星咁塊面打左光一樣透白
即時好有Bing Bing 效果,
真係要學下對住阿仔自戀一樣講聲"靚靚"


平均每塊$17,就可以打做透亮/保濕效果
重點係佢成份係以低敏為主,
所以我建議如果你咁岩做緊一些醫學美上美容
如打緊Laser/微針等等做完肌膚會嚴重缺水既
用上紅色盒裝的低敏高效保濕面膜
就可以幫助即時補充水份,又唔怕敏感

如果想肌膚提升一點亮白感,然而又怕自己會敏感?
唔洗驚因為你同我都可以用低敏透亮保濕面膜
就可以透亮同時又補濕效果,
如果可以拎一些渡入機浸透效果會更佳的!

如果大家睇完我既分享,亦有興趣購買的話可以到各大的SA SA及萬寧有售(部份產品)

產品查詢可以到它家專頁及官方網站
https://www.facebook.com/Hadabisei.HK/?ref=ts&fref=ts

https://hadabimask.hk/

希望你地都喜歡小妹既介紹啦
想隨時留意小妹及小PQ生活點滴同Blog 文分享

記得要Like 我既專頁啦
↓↓↓↓↓↓↓

圖片來源：images-blogger-opensocial.googleusercontent.com

◕‿◕如有任何問題歡迎聯絡小妹
電郵:manman811@gmail.com

以下地方可以找到小妹架^^
BlogSpot ❤ Instagram ❤ OpenRice ❤ FB 專頁
TheZtyle ❤ BeautyLife ❤ She Blog ❤
U Beauty ❤ Beauty Exchange